தமிழ் “பிக்பாஸ்” முதல் பருவத்தில் ஓவியாவுக்கு ஆரவ் மீது தோன்றிய காதலுக்கு அதற்கான ஒரு தயாரிப்பு காலம் இருந்தது. நட்பாகி, பழகி புரிந்து இணக்கமாகி ஏதோ ஒரு தருணத்தில் காதல் வயப்படுகிறார்கள். ஏற்கனவே செம க்யூட்டாக நடந்து கொண்டு மக்களின் இதயங்களை வென்றிருந்த ஓவியா இந்த காதல் அத்தியாயத்துடன் தன் புகழின் உச்சிக்கே சென்றார். இந்த பருவத்தில் இந்த அத்தியாயம் ஒரு முழுநீள காதல் படத்தை பார்ப்பது போன்றே அமைந்தது - அதுவும் எண்பதுகளில் “பதினாறு வயதினிலே” போன்ற மிக பிரபலமான படங்களில் வரை அதிகமாய் பேசப்பட்ட தொன்மமான அழகிய காதலனால் கைவிடப்பட்ட கபடமற்ற கன்னிப்பெண் என்பது ஓவியா-ஆரவ் விசயத்தில் மீண்டும் புனையப்பட்டு நிகழ்த்தப்பட்டது. ஆரவின் காதலின் நிலையாமை, அவர் ஓவியாவுக்கு செய்த “துரோகத்தை” பிக்பாஸ் காணொளி போட்டுக் காட்டி அம்பலப்படுத்தினாலும், பார்வையாளர்கள் தரப்பு வேண்டாம் வேண்டாம் என கெஞ்சினாலும் ஓவியா தன் காதலை கைவிட வில்லை; அவர் தொடர்ந்து ஆரவையே தான் காதலிப்பதாய் சொன்னார். இந்த “கோவலனை” மன்னித்து ஏற்கும் நல்லியல்பு மீண்டும் ஓவியாவுக்கான நற்பெயரை பலமடங்கு வலுப்படுத்தியது. இதை மேலும் நிறுவும் பட்சத்தில், பிக்பாஸ் நிகழ்ச்சி முடிந்த பின்னர் இருவரும் வெளிநாட்டுக்கு பயணம் போன கதை ஊடகங்களில் லீக் ஆனது. இன்னொரு சுவாரஸ்யம் ஆரவ்வின் பெயர் ஆரம்பத்தில் சற்றே களங்கப்பட்டாலும் பின்னர் அது அவருக்கே அனுகூலமான அம்சம் ஆனது. ஆரவ் போட்டியின் இறுதி நிலை வரை சென்று வெற்றிபெற இது பெரிதும் உதவியது.
இந்த காதல் தோன்றி வளர்ந்து சிதைத்து சர்ச்சையாகி பின்னர் மீண்டும் உயிர்பெற்ற போக்கைக் காண்கையில் இது புனைவல்ல, ஓரளவுக்கு நிஜமே என ஊர்ஜிதம் பண்ண முடிகிறது. ஆனால் அடுத்தடுத்த தமிழ் மற்றும் மலையாள பிக்பாஸ் பருவங்களில் ஓவியாவின் காதல் அத்தியாயம் பிரதியெடுக்கப்பட்டது; அவ்வாறு பிரதியெடுப்பது போட்டியில் ஜெயிப்பதற்கான ஒரு வியூகம் என கருதப்பட்டது. உதாரணமாய், மலையாள பிக்பாஸின் முதல் பருவத்தில் பெர்ளி-ஶ்ரீனிஷ் இருவரின் காதல். பெர்ளி முதலில் பிக்பாஸ் வீட்டில் நெருங்கியது நாட்டுப்புற பாடகர் சுரேஷை. ஏனென்றால் சுரேஷ் மோகன்லாலுக்கு நெருக்கமானவராக ஆரம்பத்தில் இருந்தே ஒரு சித்திரம் இருந்தது; அவர் அங்கு வாழும் போட்டியாளர்களுக்கும் பிரியமானவராக இருந்தார். ஆக, ஷாபுவுக்கு இணையான ஒரு போட்டியாளர் அவர் என நினைத்து பெர்ளி அவரிடம் நெருங்கி அவரை (தன் அந்தஸ்துக்காக) பயன்படுத்தி கொண்டதாய் ஒருமுறை பிற போட்டியாளர்கள் குற்றம் சாட்டி பெர்ளியை கடுமையாய் விமர்சித்தனர். அதற்கு ஒரு முக்கிய காரணம் பெர்ளி இந்நேரம் சுரேஷிடம் இருந்து விலகி ஶ்ரீனிஷ் எனும் இளம்நடிகரிடம் நெருங்கத் தொடங்கி இருந்தார் என்பதும், இதனால் ஏற்கனவே பெர்ளியிடம் காதல் வயப்பட்டிருந்த சுரேஷ் மனம் உடைந்து நிலைமயங்கி நடந்து கொள்ள தொடங்கினார் என்பதும்.
மொத்த வீடும் இப்போது சுரேஷுக்கு ஆதரவாகவும் பெர்ளிக்கு எதிராகவும் திரண்டது; இது தமிழ் பிக்பாஸ் முதல் பருவத்தில் ஓவியாவுக்கும் ஆரவுக்கும் இடையில் நிகழ்ந்த ஊடலை பிற போட்டியாளர்கள் எதிர்கொண்ட விதத்திற்கு நேர் எதிரானது (தமிழில் ஆண் வில்லனாகிறன், மலையாளத்தில் பெண் வில்லியாகிறாள்.) ஆனால் இது எப்படியாகினும் சம்மந்தப்பட்டவர்கள் பலன் பெற்றார்கள். சுரேஷ் இறுதி கட்டம் வரையிலும் ஸ்ரீனிஷ் அதற்கு சற்றும் முன்பு வரையிலும் போட்டியில் தக்க வைப்பட்டார்கள். காதலின் பொறிகள் பறக்காதிருந்தால் இவ்வளவு டிராமாவும் இருந்திருக்காது; ஶ்ரீனிஷ் மற்றும் பெர்ளி நிச்சயமாய் இறுதி வரை தொடர்ந்திருக்க மாட்டார்கள். ஓவியா-ஆரவைப் போன்றே பெர்ளி-ஶ்ரீனிஷ் ஜோடியும் போட்டிக்குப் பின்னரும் உறவைத் தொடர்ந்தனர்; அடுத்த கட்டத்துக்கே சென்று திருமணம் செய்து கொண்டனர். இதனிடையே தான் ஹிமா-சாபு காதல் நாடகம் அரங்கேறியது.
மொத்த வீடும் இப்போது சுரேஷுக்கு ஆதரவாகவும் பெர்ளிக்கு எதிராகவும் திரண்டது; இது தமிழ் பிக்பாஸ் முதல் பருவத்தில் ஓவியாவுக்கும் ஆரவுக்கும் இடையில் நிகழ்ந்த ஊடலை பிற போட்டியாளர்கள் எதிர்கொண்ட விதத்திற்கு நேர் எதிரானது (தமிழில் ஆண் வில்லனாகிறன், மலையாளத்தில் பெண் வில்லியாகிறாள்.) ஆனால் இது எப்படியாகினும் சம்மந்தப்பட்டவர்கள் பலன் பெற்றார்கள். சுரேஷ் இறுதி கட்டம் வரையிலும் ஸ்ரீனிஷ் அதற்கு சற்றும் முன்பு வரையிலும் போட்டியில் தக்க வைப்பட்டார்கள். காதலின் பொறிகள் பறக்காதிருந்தால் இவ்வளவு டிராமாவும் இருந்திருக்காது; ஶ்ரீனிஷ் மற்றும் பெர்ளி நிச்சயமாய் இறுதி வரை தொடர்ந்திருக்க மாட்டார்கள். ஓவியா-ஆரவைப் போன்றே பெர்ளி-ஶ்ரீனிஷ் ஜோடியும் போட்டிக்குப் பின்னரும் உறவைத் தொடர்ந்தனர்; அடுத்த கட்டத்துக்கே சென்று திருமணம் செய்து கொண்டனர். இதனிடையே தான் ஹிமா-சாபு காதல் நாடகம் அரங்கேறியது.
வீட்டில் இருந்து வெளியேற்றபட்ட ஹிமா நடுவில் திரும்ப வருகிறார். அப்போது அவர் பயன்படுத்திய முக்கிய வியூகம் காதல். அவர் தனக்கு சாபு மீது ஈர்ப்பு உண்டென தன் தோழி அர்ச்சனாவிடம் சொல்கிறார். அடுத்து சாபுவிடம் இணக்கமாய் ஒட்டி உறவாட முயல்கிறார். இது செயற்கையாக பட, சாபு விலகி செல்கிறார். கூடவே, இது ஒரு வியூகம் என சாபுவிடம் அர்ச்சனா போட்டு கொடுக்கிறார். இது பெரிய பிரச்சனையாகிறது - தான் உண்மையானவள், நாணயமானவள் என ஹிமா மீண்டும் மீண்டும் நிரூபிக்க முயல்கிறார். அவர் மீது எழுந்த பிரதான கேள்வி ஏன் ஆரம்ப வாரங்களில் காதல் தோன்றாத நிலையில் வீட்டில் இருந்து வெளியேறி திரும்ப வந்த பின் உடனே காதல் வருகிறது என்பது. இதைப் பற்றி தன் தோழியிடம் பேசும் ஹிமா தனது சகோதரன் மற்றும் ஆண் நண்பர்களிடம் தான் தனக்கு சாபு மீது காதல் உள்ளதை விவாதித்ததாகவும் அவர்களது அனுமதியுடனே தான் இப்போது காதலை வீட்டுக்குள் வைத்து வெளிப்படுத்துவதாகவும் சொன்னார். ஆனால் இப்படி குடும்பத்துடன் யாருடன் காதலை விவாதிக்க மாட்டார்கள், இது ஒரு சதியாலோசனை, அதுவும் தமிழில் ஓவியா பண்ணியதை போல செய்து ஹீமா இப்படி காய் நகர்த்துகிறார் என சாபு கூறிட, ஹிமா கண்ணீர் உகுத்து அழுது ஆர்ப்பாட்டம் பண்ணினார். இப்படி, ஹிமாவின் காதல் வியூகம் தோல்வி உற்றது.
கருத்துகள்