ஆர். அபிலாஷின் இணையதளம்

அமைச்சர் ராஜ்மோகனின் ஊடகச் சந்திப்பைப் பார்த்தேன். அவரது எச்சரிக்கைகள், உறுதியளிப்புகள் குழப்பமாக இருந்தன. அதுவே ஒரு மோசடிதான் என நினைக்கிறேன். 1) அகல் விளக்கு, பீனிக்ஸ் பதிப்பக நூல்களின் ஆணையை கடந்த வருடமே அளித்துவிட்டதாக ஒரு பட்டியலை அளித்து அதில் நிபுணர் குழுவில் உள்ள படைப்பாளிகளும் சான்றோரும் பேராசிரியர்களும் ஒப்பமிட்டுள்ளதாகக் கூறினார். ஆனால் எங்குமே அவர்களே பொறுப்பென்று அவர் கூறவில்லை. கடைசியில் திமுக அரசின் அழுத்தத்தினாலே அவர்கள் அகல் விளக்கு, பீனிக்ஸுக்கு ஆணை வழங்க ஒப்பியுள்ளதாகவும் கூறினார். ஆனால் பேஸ்புக்கில் இதைக் குறித்து எழுதும் பரிந்துரைக் குழு உறுப்பினர்களான எழுத்தாளர்கள் தாம் அவ்வாறு ஒப்புதல் அளித்ததாகவோ தம் மீது அழுத்தம் ஏற்பட்டதாகவோ சொல்லவில்லை. அதெப்படி நூற்றுக்கணக்கான உறுப்பினர்களில் ஒருவர் கூட சொல்லாமல் இருப்பர்? ஒன்று அவர்களும் பணம் வாங்கியிருக்க வேண்டும் அல்லது அவர்களை திமுக மிரட்டியிருக்க வேண்டும். அவர்கள் பணம் வாங்கவில்லை என்று ராஜ்மோகன் கூறுகிறார். அவர்கள் மிரட்டப்பட்டால் இப்போது அதை வெளிப்படுத்த வேண்டியதுதானே. இப்பரிந்துரைக் குழுவைச் சேர்ந்த பெருமாள் முருகனே ...

  குமரி மாவட்டக்காரர்களிடம் ஒருவித slapstick நகைச்சுவை, எள்ளல், பகடி அதிகமாக இருக்கும். யாரைப் பற்றிப் பேசினாலும் அவரை ஒரு கோட்டுச்சித்திரமாக மட்டுமே முன்வைக்க முடியும். யாரையும் சீரியஸாக எடுத்துக் கொள்வதோ மதிப்பதோ இல்லை. எங்களில் பலருக்கும் செண்டிமெண்டுகளில் நம்பிக்கை இல்லை. அதனாலே ராஜ்கிரண் தன் தாயைக் கட்டிப் பிடித்து அழும்போது எனக்கெல்லாம் வினோதமாக இருக்கும். இப்போதும்கூட நானும் என் உறவினர்களும் அல்லது குடும்பத்தினருமாக அமர்ந்து உணவருந்தினால் ஒரே சிரிப்பும் அமர்க்களமுமாகத்தான் இருக்கும். ஆனால் யாரைப் பற்றிப் பேசிச் சிரிக்கிறோம் என்றால் அது எங்கள் பெற்றோர், உறவினர்கள், சித்தப்பா, பெரியப்பா, ஊர்க்காரர்கள், ஆசிரியர்கள் என்றுதான் இருக்கும். கூட்டத்தில் எங்களுடன் இருப்பவர்களை வசதியாக விட்டுவிட்டு மற்றவர்களை கிண்டலும் கேலியுமாக காய்ச்சி எடுப்போம். நாங்கள் என்றில்லை பெரும்பாலான வீடுகளில், தெருக்களில், இடங்களில் இப்படித்தான் இருக்கும். ஒரு சின்ன எள்ளல் இல்லாமல் மக்களால் அங்கு ஒட்டுறவாட முடியாது. இந்த slapstick நகைச்சுவையின் உச்சம் என்று நான் பிரபு தர்மராஜைச் சொல்வேன். அவர் தன் அங்கதத்தி...

  சினிமாவில் எழுதுவது ஒரு தொழில். டிவி ஊடகங்களில், பத்திரிகையில், ஐ.டி நிறுவனங்களில், பள்ளி, கல்லூரிகளில் ஒரு எழுத்தாளர் பணியாற்றுவதைப் போல ஒன்றுதான் இதுவும். சொல்லப்போனால் சில நேரங்களில் சினிமா எழுத்தானது எழுத்தாளரை 9-5 வேலையின் தொந்தரவுகளில் இருந்து விடுவிப்பதும் உண்டு. அதேநேரம், தமிழில் திரைக்கதை எழுத்தில் ஈடுபடும் சில படைப்பாளிகளின் புனைவில் சினிமா ஒரு மோசமான பாதிப்பை ஏற்படுத்தி வருகிறதோ எனும் சந்தேகம் எனக்குள் வலுப்பட்டு வருகிறது. மிகையான உணர்ச்சிகள், தேய்வழக்கான வர்ணனைகள், அகவயமான வர்ணனைகள், அவதானிப்புகளின் இடத்தில் புறவயமான காட்சிகளைப் பயன்படுத்துவது, திடீர் திருப்பங்களுக்கு அதீத இடமளிப்பது, வன்முறையை சாகசமாக மாற்றுவது என ஒரு போக்கைப் பார்க்கிறேன். முக்கியமாக, தனக்காகவும் தன்னைப் போன்றவர்களுக்காகவும் எழுதியவர்கள் சினிமாவுக்குப் போன பின்னர் வாசகர்களின் எதிர்பார்ப்புக்கு ஏற்ப எழுதுவதை அதிகமாகக் காண்கிறேன். பரீட்சார்த்த முயற்சிகளையும் சிக்கலான கதை மொழியையும் தவிர்க்கிறார்கள். சினிமாவில் இயக்குநர், தயாரிப்பாளர், நடிகர்கள் உள்ளிட்டோருடன் உடன்படல் எழுத்தாளர்களுக்கு ஒரு அவசியமான ஒ...

  நேற்று ஜெய்ரிகி பதிப்பகத்தின் பதிப்பாளர் சாய் ரமணா என் வீட்டுக்கு வந்திருந்தார். மூன்று மணிநேரத்துக்கு மேல் இலக்கியம், பதிப்புத் தொழில், ஆசிரியப் பணி, எழுத்துக் கனவுகள் குறித்துப் பேசிக் கொண்டிருந்தோம். தோழர் பல்லவி பயங்கரமாக சிக்கன் குழம்பும் இட்லியும் செய்து அசத்தினார். இருவரும் வியர்க்க வியர்க்கச் சாப்பிட்டோம். எங்களைப் பார்க்க அப்போது பழைய படங்களில் சிவாஜி மருத்துவராக வந்து அறுவை சிகிச்சை செய்வதைப் போல இருந்திருக்கும். அவர் போன பிறகு தோழர் பல்லவி சொன்னார், "நாம் மைசூருக்கு வந்தபிறகு வரும் முதல் இலக்கிய நண்பர் இவர்". ஓராண்டு ஆகிவிட்டது. ஒருமுறை நண்பர் வேடியப்பனை அவரது நண்பருடன் ஒரு ஓட்டலுக்கு வெளியே வைத்துச் சந்தித்தேன். அந்த ஓட்டலின் சமையலறை எங்கள் அலுவலகத்தின் பின்பக்கமாக வரும். அவர்கள் மைசூர் போண்டாவுக்கான சமையலை ஆரம்பித்ததும் அதிலிருந்து ஒருவித திகிலூட்டும் வாசனை கிளம்பி வரும். நானும் என் சக ஊழியரும் அவர்கள் பயன்படுத்தும் எண்ணெய், மசாலா குறித்துப் பகடி செய்து சிரிப்போம். நான் பல நாட்களாக அங்கு சாப்பிடுவதைத் தவிர்த்து வந்தேன். அன்று போண்டாவைச் சாப்பிட்டதும் மொட்டை மாட...

  முன்பு இளைஞர்களைத் திருத்துவதற்கு கல்யாணம் பண்ணி வைப்பார்கள். தாலி கட்டியதுடன் பொறுப்பு வந்து விடும், வேகம் மட்டுப்படுத்தி நிதானம் வரும் எனத் தம் மகன்களைக் குறித்து பெற்றோர் நம்பினர். நான் கவனித்த வரையில் அப்படி உருப்பட்டவர்கள் யாரும் இல்லை. இன்று நிலைமை இன்னும் மோசமாகிவிட்டது. திருமணத்திற்குப் பிறகு கடன் அதிகமாகி, குடிப்பழக்கமும் நெருக்கடியும் வேலை நேரமும் அதிகமாகி நிலைகுலைகிற ஆண்களையே அதிகமாகக் காண்கிறேன். அதுவும் எழுத்தாளர்கள் நிலை இன்னும் கொடுமை. இளம் படைப்பாளிகள் கல்யாணம் பண்ணிக் கொண்டதும் அந்நிய மாநிலத்துக்குப் போன கூலித் தொழிலாளியைப் போலாகி விடுகிறார்கள். நடைமுறைப் போதமைகள், பணப்பிரச்சினைகள் அவர்களிடம் கொஞ்ச நஞ்சம் இருந்த சுதந்திரத்தை, நிம்மதியை திருமணத்திற்குப் பிறகு பறித்து பைத்தியமாக்கி விடுகின்றன. இது தற்போதைய சூழலினால் விளைகிற சிக்கல் மட்டுமே. இருபதாண்டுகளுக்கு முன்பு வரை திருமணம் போன்ற ரிஸ்குகளை எடுப்பது சுலபமாக இருந்தது. ஒரு உதாரணம் சொல்கிறேன்: என் கல்லூரி நண்பர் ஒருவர் அப்போது இளங்கலை முதலாமாண்டில் இருந்தார். நான் முதுகலை முதலாமாண்டு. விடுதியில் என் பக்கத்து அறை. அ...

  எனக்கு சஞ்சு சாம்ஸனைப் பிடிக்கும். அவரது அழகியல்பூர்வமான டிரைவ்கள், நோகாமல் அவர் அடிக்கும் சிஸர்கள், கண்ணுக்கே புலப்படாத வேகத்துடன் அவர் ஆட்டத்தின் போக்கை மாற்றும் பாங்கு ஒரு ஆட்டத்திற்கு ரசிக்க வேண்டிய தனிக் கவிதை. அதேநேரம் அவர் காலாவதி ஆகிவிட்டார் என நினைக்கிறார். நாம் 150-180 ஸ்டிரைக் ரேட்டில் ஆடும் துவக்க வீரர்களில் இருந்து 200-300 ஸ்டிரைக் ரேட்டில் ஆடும் சரவெடி மட்டையாளர்களுக்கு நகர்ந்துவிட்டோம். இனிமேல் சாதாரணமாக 25--280 ஆகிய இலக்குகளை விரட்டிச் செல்ல வேண்டியிருக்கும். அதற்கு சஞ்சு தோதுபட மாட்டார். அதற்கு வைபவ் சூர்யவன்ஷிகளே சரி. சஞ்சு சாம்ஸன் எப்படியும் எல்லா போட்டிகளிலும் அடிக்க மாட்டார். ஐந்து போட்டிகளில் ஒன்றோ ரெண்டோதாம் அவர் குளக்கோழியைப் போலத் தலைதூக்கிப் பார்க்கும் ஆட்டங்கள் இருக்கும். அப்போதும் அவர் ஆட்டத்தின் போக்கை மாற்றுகிறபடி 30 பந்துகளில் சதம் அடிக்க மாட்டார். 25 பந்துகளில் அரை சதம் அடித்துவிட்டு அவுட் ஆகிவிடுவார். அந்த மாதிரியான தொடர்ச்சியின்மையுடன் அபாரமான ஸ்கோர்களை சூர்யவன்ஷியே அடித்துவிடுவார். அவர் ஐந்து போட்டிகளில் ஒன்றிரண்டில் அடித்தாலே ஒரு தொடரை வென்று ...

  பேச்சு ஆங்கில (spoken English) வகுப்புகள் மானவர்களில் பெரும்பாலானவர்களின் விருப்பத்துக்கு ஏற்ப நவம்பர் 16க்கு மேல் ஆரம்பிக்கின்றன. என்று முதல் வகுப்பு என்பதை விரைவில் அறிவிக்கிறேன். ஆகையால் வகுப்பில் இணைய விரும்புவோர் இன்னும் கட்டணம் கட்டாவிடில் உங்களுக்கு அதற்கான அவகாசம் நீட்டிக்கப்படுகிறது. நீங்கள் அடுத்த இரு வாரங்களுக்குள் இணையலாம்.