தனிப்பெரும்பான்மை ஆட்சிக்கும் தமிழ்நாட்டின் துணிச்சலுக்கும் வைக்கப்பட்ட வேட்டு

 

இம்முறைகள் த.வெ.க பெற்றுள்ள இடங்கள் தற்காலிகமான எழுச்சியாக மட்டும் இருக்க இயலாது. வழமைபடி திமுக வென்றால் அவர்கள் கூட்டணி 150-160 என்றும், அதிமுக கூட்டணி 50-60 என்றும் பிரிந்துவிடும். மீத இடங்களே மூன்றாவது அணியினருக்கு. இப்போதோ விஜய் இரண்டு கட்சிகளிடம் உருந்து 70–40 என்று இடங்களைப் பறித்துவிட்டார். இனி வரும் தேர்தல்களில் அவர் மீதான வசீகரம் குறைந்தாலும் அவர் கட்சியை அப்போது நன்றாக வளர்த்திருப்பார் என்பதாலும், மக்களில் ஒரு பகுதியினரின் நம்பிக்கையைப் பெற்றிருப்பார் என்பதாலும் ஒட்டுமொத்தமுள்ள 234 தொகுதிகளை மூன்று கட்சிகளும் பிரித்துக் கொள்ளும் நிலை ஏற்படும். களம் அப்படி மாறிவிட்டால் எந்த ஒரு கட்சியும் தனிப்பெரும்பான்மை பெற்று வலுவான ஆட்சி அமைக்க இயலாது போகும். எதிர்காலத்தில் எந்தக் கட்சிக்கும் பெரும்பான்மை கிடைக்காமல் போகலாம். கூட்டணி ஆட்சி, தொங்கு சட்டமன்றம், கட்சிகள் உடைவது தமிழ்நாட்டுக்கு நல்லதல்ல - குடும்ப நல நீதிமன்றத்தில் வக்கீல்கள் உடைத்து விளையாடுவதைப் போல ஒன்றிய அரசு மாநில அரசை வைத்து விளையாடும். இரு கட்சி ஆதிக்கம் அதைச் சுலபத்தில் அனுமதிக்காது, ஆகையால் விஜய்யின் இந்த வலுவான தேர்தல் வெற்றி தமிழ்நாட்டை எதிர்காலத்தில் மோசமாகப் பலவீனப்படுத்தும். இனிமேல் ஒன்றிய அரசை எதிர்த்து தெனாவட்டாக ஆளுங்கட்சிகள் குரல் கொடுக்க இயலாது. அமலாக்கத்துறை, சி.பி.ஐ பாயும், கட்சியைத் தாங்கிப் பிடிக்கும் முதலீட்டிய சக்திகள் பதுங்குவார்கள், கட்சி உடைக்கப்படும்.
இதனாலே பாஜகவின் முன்னாள் தலைவர் அண்ணாமலை விஜய்யின் வெற்றியைப் பாராட்டி அறிக்கை விட்டிருக்கிறார்: //Annamalai said the people had delivered a message against “buying of votes and to dynastic politics,” and termed the shift a major turning point. Emphasising the scale of change, he said, “Whoever gets it done has actually done a favour to all”.

In a congratulatory message, he wrote, “Congrats and best wishes to TVK & Thiru @TVKVijayHQ avl for a spectacular debut in TN politics. Let Almighty be with you to do what you intend to do.” He also acknowledged the electorate, stating, “I bow down to the people of TN for your verdict. Happy to see in my land, people have risen in one voice and spoken.”//

விஜய் ஒருவிதத்தில் அண்ணாமலை 2.0தான். இருமுனை அரசியல் என்றென்றைக்குமாக உடைவதன் வழியாக இனி தமிழ்நாட்டால் சுலபத்தில் எதிர்-பாஜக நிலைப்பாட்டை எடுக்க இயலாது எனும் நிலை தோன்றிவிட்டது. , பாஜக வெல்லவில்லை என்றாலும் அதன் பிரதான நோக்கம் வென்றிருக்கிறது.