ஆண்களின் நெருக்கடி
எல்லாரும் தவறாமல் கேட்க வேண்டிய உரை நவீன ஆண்களின் நெருக்கடி பற்றிய வேரல் பேரலின் டெட் டாக்!
எப்படி கடந்த சில பத்தாண்டுகளில் அப்பா இல்லாமல் வளரும் ஆண் குழந்தைகள் குற்றவாளிகளாக, தன்னம்பிக்கை அற்றவர்களாக, தற்கொலை எண்ணம் மிக்கவர்களாக மாறுகிறார்கள், எப்படி உலகம் முழுக்க ஆண் மாணவர்களின் கல்வித்தரம் வீழ்த்துள்ளது, இதற்கும் சமூகம் ஆண்களைக் கைவிட்டதற்கும், ஆசிரியர்கள் அதிகமாக பெண்களாக உள்ளதற்கும் உள்ள தொடர்பைப் பேசும் வேரன் பேரல் இன்றைய ஆண் குழந்தைகளும், இளைஞர்களும் ஒரு பெரும் நெருக்கடியை, தந்தையின்மையின் நெருக்கடியை சந்திப்பதாக சொல்லுகிறார். தந்தை என்பது இங்கு ஒரு குறியீடு தான் என நினைக்கிறேன்.
வேரன் பேரல் குறிப்பிடாத ஒரு விசயமுண்டு - தந்தைகள் முக்கியத்துவம் இழக்கும் சமூகங்களிலே சர்வாதிகார தலைவர்கள் முக்கியத்துவம் பெறுகிறார்கள். அவ்விதத்தில் கடந்த பத்தாண்டுகளில் மோடி பெற்றுள்ள ஆராதனை, புகழ், ஏற்புக்கு நம் சமூகம் பெண்-வழிபட்டதாக, ஒருதலைப்பட்சமாக மாறுவதற்கும் ஓரு நுட்பமான பிணைப்புள்ளது. உலகம் முழுக்க ஆண் நெருக்கடி அதிகமாக அதற்கு ஈடு செய்ய சினிமாவில், விளையாட்டுகளில், வீடியோ கேம்களில் நாம் மிகை வன்முறையை அதிகமாக விரும்பத் தொடங்குறோம். பாசிசத்தை ஆதரிக்கிறோம். இது நிலைமையை சிக்கலாக்குகிறது.
இவ்வளவு பிரச்சனைகளுக்கும் மையம் ஒன்று தான் - குடும்பத்தில் இருந்து ஆணை வெளியேற்றி / பலவீனப்படுத்தி ஒற்றைப் பெண் தலைமையை வரவேற்கிறோம். வெளியிலும் ஆண்களுக்கு போதுமான அக்கறையை, பயிற்சியை, பாதுகாப்பை வழங்க மறுக்கிறோம். பெண்களைப் பாதுகாத்தால், முன்னேற்றினால் மட்டும் போதும் எனும் பாரபட்ச சிந்தனை நம் உலகை வன்முறையும், அநீதியும், பாசிசமும் பயங்கரவாதமும், தற்கொலையும், யுத்தங்களும் மிக்கதாக்கி விட்டது.
லிங்க் Warren Farrel ted talk
கருத்துகள்