யார் யாருக்கெல்லாம

ஆன்லைன் நாவல் வகுப்புக்கான கட்டண கழிவு குறித்து ஒரு தெளிவுபடுத்தல். கீழ்வருவோருக்கு 50%:

1) எனக்கு நெருக்கமான நண்பர்கர்களுக்கு (என்னுடன் நட்பு பாராட்டும் நல்லுள்ளத்துக்கு)

2) மாற்றுத்திறனாளிகளுக்கு (என்னுடைய அடையாள அரசியல்)

3) ஏழை மாணவர்களுக்கு (அவர்களுக்கு சுயசம்பாத்தியம் இல்லை என்பதால்)

4) உடற்சிக்கலாலோ வேறு காரணங்களாலோ பொருளாதார பிரச்சினைகளில் இருப்பவர்கள்.

நான்காவதாக ஒரு பிரிவினர் உண்டு. ஏற்கனவே புனைவு எழுதி பெயர் பெற்றவர்கள். இவர்களுக்கு 100%. அதற்கு நடைமுறை காரணங்கள் ஒன்று உண்டு:

அவர்களுக்கு ஏற்கனவே கதையெழுதத் தெரியும். என்னுடைய பாடத்திட்டம் எழுதத் தெரியாத, சொந்தமாக பாணியோ, இலக்கிய பின்னணியோ இல்லாத மாணவர்களுக்காக உருவாக்கப்பட்டது. நிலைப்பெற்று விட்ட படைப்பாளி ஒருவருக்கு என்னால் எந்த அடிப்படையை சொல்லித் தர முடியும் எனத் தெரியவில்லை என்பதால் அவரிடம் கட்டணம் வாங்க மனம் வரவில்லை.

அடுத்து நிலைப்பெற்று விட்ட ஒரு கதைசொல்லியை என்னால் மாணவராக நடத்த முடியுமா? சொன்னால் கேட்பார்களா? தெரியவில்லை. என்னுடைய பாணி மாணவர்களை நுண் நிர்வாகம் செய்வது. (என்ன எழுதுகிறார்கள், எப்போது எவ்வளவு எழுதுகிறார்கள், என்ன நினைக்கிறார்கள் என ஒவ்வொன்றும் எனக்குத் தெரிந்து கொண்டு அவர்களை கடைசி வரை நெறிப்படுத்த முயன்றபடி இருப்பேன். சில நேரங்களில் அவர்களுடைய எழுத்தில் அவர்களை விட அக்கறை காட்டுவேன்.) ஒரு சக எழுத்தாளரிடம் அதை செய்ய மாட்டேன். அவர்களிடம் விலகியே இருந்தாக வேண்டும் என்பதால் வேலை குறைவு. வேலை குறைவு என்பதால் என்னைப் பொறுத்தமட்டில் வேலையே இல்லை. அதனால் கட்டணம் வேண்டாம் என்று சொல்லிவிடுவேன்.

அவர்கள் தாராளமாக வந்து கலந்து கொள்ளலாம். நான் அவர்களுக்கு உதவ முடியுமா என பார்ப்பேன். ஒத்து வந்தால் தயக்கத்துடன் இறங்கி வருவேன். ஆனாலும் எல்லை மீறாதபடி பார்த்துக் கொள்வேன்.

தோட்டத்துக்கு நீர் பாய்ச்சும் போது ஒரு காட்டுச்செடியும் தலையசைப்பதைப் போல என் வகுப்பில் அவர்கள் இருந்து கொள்வார்கள். அவர்களுடைய இருப்பு எனக்கும் உதவும். அவ்வப்போது அவர்களுடைய கருத்துக்களையும் அனுபவங்களையும் கேட்டுப் பெற்றுக் கொள்ளலாம்.

அதே நேரம் எழுத்தாளர்கள் அல்லாத நண்பர்களை மாணவர்களாக கருதுவதில் மேற்சொன்ன சிக்கல்கள் இராது.

இதை நான் தெளிவுபடுத்த காரணம் முழு கட்டணம் செலுத்தி சேர்வோர் மேற்சொன்ன நிபந்தனைகளை எண்ணி குழப்பமடையக் கூடாதென்பதே. இந்த உலகில் எல்லாமுமே நிபந்தனைக்குட்பட்டது தானே. என் வகுப்பில் மாணவராக இருப்பதும் உட்பட.

பி.கு: வகுப்பு குறித்து மேலதிக தகவல்களுக்கு - 9790929153