இரண்டே கைகள்

இந்த உலகத்திலேயே மொத்தம்

இரண்டே கைகள்,

பத்தே விரல்கள்.

ஒன்று பிடுங்கிக் கொள்வது

மற்றொன்று ஐயோ என்று பதறுவது.

ஒன்று சப்பென்று அறைவது

மற்றொன்று சற்று தாமதமாக பாதுகாக்க 

உயர்வது

ஒன்று சுயமைதுனம் செய்வது

மற்றொன்று தேமேவென

பார்த்துக் கிடப்பது

ஒன்று மொபைலை நோண்டுவது

மற்றொன்று கணினியில்

வேலை பார்ப்பது

ஒன்று குளிக்கும் போது

சோப்பு தேய்ப்பது

மற்றொன்று கழுவுவது

ஒன்று சொறிவது 

மற்றொன்று அடபாவமே

எனப் பார்ப்பது

ஒன்று காதலியைத் தழுவுவது

மற்றொன்று

இன்னொருத்திக்கு பை சொல்வது

ஒன்று படுக்கையில் மனைவியைத் 

தழுவதலுக்கு

மற்றொன்று விருப்பக் குறி இடுதலுக்கு

ஒன்று விவாகரத்து விண்ணப்பத்தில்

புதிய சொற்களை சேர்க்க

மற்றொன்று பழைய நினைவுகளில் தலைகோத

ஒன்று பறவையாக விரிந்திட

மற்றொன்று அதனுடன் இணைந்து

'கனெக்டிங் தெ டாட்ஸ் பீலிக்ஸ்' சொல்வதற்கு

ஒன்று பிச்சை போடுவதற்கு

மற்றொன்று பிச்சை எடுப்பதற்கு

- ஆர். அபிலாஷ்