ஒரு நாவலைப் போல ஜனநாயகமான வடிவத்தை காட்டுவது சிரமம் (பாதல் சார்க்கரின் வீதி நாடகத்துடன் ஓரளவுக்கு ஒப்பிட்டலாம் என்றாலும்). எத்தனையோ விதமான கதைகளை, மொழிகளை, சாத்தியங்களை உள்ளடக்கியது நாவல். ஒருவர் தன் வாழ்க்கையின் ஒரு பகுதியைக் கூட அப்படியே எழுதியே சின்னச்சின்ன மாற்றங்கள் செய்து ஒரு நாவலாக்கலாம். மின்னஞ்சல்கள், வாட்ஸாப் சேதிகளை, தமது மருத்துவ அறிக்கைகளைக் கூட கதையாக்கலாம். நீங்கள் உங்கள் நண்பருடன் உரையாடியதை நீட்டித்து ஒரு அத்தியாயம் எழுதலாம். இவையெல்லாமே மொழிகள். நாவலின் வேர்கள் இவையெங்கும் ஓடுகின்றன. இம்மொழிகளுக்கு ஒரு வடிவத்தை அல்லது ஒரு அர்த்தத்தைக் கொடுப்பது மட்டுமே அதை கலையாக்குகிறது. அதுவே நாவல் எழுதும் கலை. என்னுடைய நாவல் வகுப்புகளில் நான் கற்பிக்கிறேன் என்பதை விட பயிற்றுநர்களை, மாணவர்களை கட்டவிழ்த்து விடுகிறேன் என்பதே சரி. உங்களை ஈர்க்கிற ஒரு மொழியை பதிவு பண்ணுங்கள், அதை நாவலாக்கும் நம்பிக்கையை நான் அளிக்கிறேன். எல்லாருக்குள்ளும் ஒரு நாவல் உள்ளது. அது வெளிவரும் போது தமிழின் நாவல் வெளி இன்னும் விரிவாகும். நான் கைகொடுக்கிறேன்.
கருத்துகள்