ஒண்ணு எம்.ஜி.ஆர் இல்லைன்னா நம்பியார்

 

Hi Sir,

உங்கள் அரசியல் மற்றும் விளையாட்டு சம்பந்தமான பதிவுகளை கடந்த மூன்று வருடங்களாக கவனித்து கொண்டு வருகின்றேன், 

அரசியல் தற்போது வேண்டாம் விளையாட்டு சம்பந்தமாக மூன்று கேள்விகள் உங்களிடம்.

1. ரோகித் பற்றிய கட்டுரையில் அவர் டெஸ்ட் போட்டியில் ஜொளிக்க மாட்டார் என்றீர்கள் (தெ.ஆ. உள்ளூர்.தொ விட்டுவிடுவோம்) ஆஸி தொடரில் கலக்கினால் மீண்டும் ஒரு அலசல் கட்டுரை எழுத வேண்டுகிறேன்.

2. Betting fixing கிரிக்கெடின் அனைத்து மட்டத்திலும் உண்டு அனைத்து அணிகளின் உரிமையாளர்களும் செல்வந்தர்கள் தான், உயிர்மைகான அலசலில் மும்பை ஆரம்ப கட்டத்தில் தோற்றால் அவர்கள் betting செய்து வருவது தான் வழி என்றீர்கள் இது ஒருதலை பட்சமாக இல்லையா? 2010 ஆண்டு csk playoff வந்ததும் மற்றும் தற்போது csk playoff க்கு தகுதி பெற்றால் அதை betting என்று உயிர்மை அலசலில் கூறுவிற்களா?

(En thanipatta ennam betting fixing nu pothuthalathil sollavendam apdi parthal International to league varai ellam betting fixing than)

3. தமிழ் நாட்டில் அணைத்து அணிகளுகும் ரசிகர்கள் இருக்கும் போது star sports தமிழ் commentry மாதிரி நீங்களும் csk வுக்கு மட்டும் அதிக முக்கியத்துவம் கொடுத்து கொண்டு இருகின்றீர்கள் கொஞ்சம் பரிசீலனை பன்னலாமே?

மற்றபடி உங்கள் கட்டுரைகள் பதிவுகள் எழுத்துகள் உயிரோட்டம் மிக்கவை உங்கள் பணி சிறக்க வாழ்த்துகிறேன்.

- Puvi King

வணக்கம்

1) ரோஹித்தால் வெளிநாட்டு மண்னில் (தென்னாப்பிரிக்கா, இங்கிலாந்து, நியுசிலாந்து) அவரால் சோபிக்க முடியாது என இப்போதும் நம்புகிறேன். குறிப்பாக டெஸ்ட் போட்டிகளில் பந்து ஸ்விங் ஆகும் போது முன்னங்காலுக்கு வந்து ஆப் ஸ்டம்புக்கு வந்து பந்தை விடுவது, உள்ளே வரும் பந்தை சரியாக தடுத்தாடுவது அவரால் முடியுமா? ஐந்தாவது நாள் மட்டையாடும் போது ஒரு நல்ல சுழலர் roughஇல் பந்தில் போட்டு அதிகமாய் திருப்பினால் ரோஹித்தால் சமாளித்தாட முடியுமா? இந்த புதுத்திறன்களை அவர் வளர்த்து ஒரு மேலான டெஸ்ட் மட்டையாளராக வரும் சில ஆண்டுகளில் மலர்வாரா? இப்போதே 33 வயதாகிறது ... அப்படி நடந்தால் அது உலக கிரிக்கெட்டில் ஒரு அதிசயமாக இருக்கும். எனக்குத் தெரிந்து ஒரு வயதான வீரர் திடீரென அபாரமான டெஸ்ட் மட்டையாளர் ஆனதில்லை. அதனாலே ரோஹித்தை டெஸ்ட் துவக்க வீரராக்குவதில் எனக்கு உடன்பாடில்லை. ராகுல்-மயங்க் நல்ல துவக்க வீரர்களாக இருக்கலாம். வெளிநாடுகளில் ஆடும் போது ரஹானேவை / பிரித்வி ஷாவை ஒரு மாற்று துவக்க வீரராக எடுக்கலாம்.

2) ஐ.பி.எல்லில் மும்பை அணி வெல்வதற்கு சில ஆட்டங்களில் எதிரணிகள் ஒரு புரிந்துணர்வுடன் செயல்பட்டு உதவியதாய் ஒரு பேச்சுண்டு. நான் அதைத்தான் சொன்னேன். ஓரளவுக்கு அணிகள் பரஸ்பரம் சிலநேரம் விட்டுக்கொடுக்கலாம் என நினைக்கிறேன். (இதற்கு ஆதாரம் எல்லாம் இல்லை.) ஆனால் அதே நேரம் இறுதிப்போட்டி வரை முன்னேறும் அளவுக்கு எல்லாம் அணிகள் பரஸ்பரம் விட்டுக்கொடுக்கும் என நான் நம்பவில்லை.

3) சென்னை சூப்பர் கிங்ஸ் அணியை நான் உணர்வுரீதியாக ஆதரிக்கிறேன் என்பது உண்மைதான். அதைத் திட்டமிட்டெல்லாம் செய்வதில்லை. அப்படி நடந்து விடுகிறது. சில நேரங்களில் கொல்கொத்தா மற்றும் மும்பை அணிகள் மீதுதான் நான் இப்படி பாசம் வைப்பதுண்டு. இதையெல்லாம் மறைத்து புறநிலையாக விமர்சிக்க என்னால் முடியாது. ஒன்று எம்.ஜி.ஆர் இல்லைன்னா நம்பியார் என்பதே என் மனப்போக்கு.