.
1. எதிரணியின் பலவீனத்தை அறிந்து தாக்க வேண்டும். ஆஸ்திரேலியாவின்
பலவீனம் என்ன? துவக்க மட்டையாளர்களும் 4ஆம் எண்ணில் வரும் கிளார்க்கும் நல்ல ஆட்டநிலையில்
இல்லை. அதன் பிறகு பந்தை தூக்கி அடிக்கும் ஆல்ரவுண்டர்கள் தாம் வருகிறார்கள். ஆஸ்திரேலிய
மட்டையாட்டத்தின் அச்சு ஸ்மித் தான். பிறரை முதல் பத்து அல்லது இருபது ஓவர்களுக்குள்
வீழ்த்தி விட்டு மேக்ஸ்வெல்லை இருபத்தைந்து ஓவருக்குள் ஆட வைத்து விட்டால் ஆஸ்திரேலியாவை
கடும் நெருக்கடிக்குள் தள்ளலாம். சுருக்கமாக சவுதி மற்றும் போல்ட் சேர்ந்து நான்கு
விக்கெட்டாவது தமது முதல் ஸ்பெல்லில் எடுக்க வேண்டும்
2.
ஆஸ்திரேலியாவின் இன்னொரு பலவீனம் பந்து வீச்சு.
அவர்களிடம் முழுநேர பந்து வீச்சாளர்கள் மூவரே உள்ளனர். அவர்களையும் முதல் பத்து ஓவர்கள்,
பவர் பிளே, இறுதி பத்து ஓவர்கள் என பிரித்து வீச வைப்பார் கிளார்க். இதனிடையே இவர்களுக்கு
விக்கெட் கொடுக்காமல் இருந்தால் மேக்ஸ்வெல், பாக்னர் மற்றும் வாட்ஸன் வீசும் 20 ஓவர்களில்
குறைந்தது 160 எண்களாவது எடுக்கலாம். மிச்ச மூவரின் முப்பது ஓவர்களில் 150 ஓட்டங்கள்
எடுத்தால் முன்னூறை சுலபமாய் அடையலாம். 160 ஓட்டங்கள் எடுக்க முழுநேர வீச்சாளர்களுக்கு
சுலபத்தில் விக்கெட் கொடுக்க கூடாது. அப்படி என்றால் தான் மேக்ஸ்வெல் போன்றோரின் அல்வா
பந்து வீச்சை அடித்து கிழிக்க முடியும்.
3.
என்னதான் திட்டமிட்டு போனாலும் ஆஸ்திரேலியாவின்
காட்டுசுற்றல் மட்டையாட்டம் உங்கள் ஆசனவாயில் சூட்டைக் கிளப்பி மண்டையை குழப்பி விடும்.
ஆனால் நிதானமாய் பந்து வீசுவது அவசியம்.
4.
ஆஸ்திரேலிய மைதானங்கள் பெரியவை. ஒற்றை, இரட்டை ஓட்டங்களை
நிறைய எடுப்பவர்கள் 300 ஓட்டங்களை அடைவது எளிது. கிளார்க் இதை செய்ய நியுசிலாந்தை அனுமதிக்க
மாட்டார். பெரிய ஷாட்களை அடிக்க தூண்டுவார். களத்தடுப்பை உள்வட்டத்துக்கு கொண்டு வந்து
நெருக்கடி கொடுத்து உயரப் பந்துகள் இட வைப்பார். இந்த பொறியில் மாட்டி பந்தை தூக்கி
அடித்தால் அம்பேல். பொறுமை முக்கியம்.
5.
நியுசிலாந்தின் வெற்றி வாய்ப்பு 30-40% தான். ஆனாலும்
ஒரு சின்ன எறும்பு யானையின் காதுக்குள் நுழைந்து செம குடைச்சல் கொடுக்க முடியும். நாளை
பார்ப்போம்!
கருத்துகள்