தமிழ் எழுத்தாளர்களில் பலருக்கு இளவயதிலேயே வயதாகி விடுகிறது. சாருவுக்கு எவ்வளவு வயதானாலும் இளமையாகவே இருக்கிறார். இன்று கிரைஸ்ட் பல்கலையில் ஒரு கலந்துரையாடல். நான் ஒருங்கிணைக்கிறேன். சாருவும் மற்றொரு கன்னட எழுத்தாளரும். சாரு அந்நியன் என்றால் கன்னட படைப்பாளி அம்பியைப் போல மற்றொரு கோடி. விவாதம் ஒருமுனைப்படவில்லை. நான் வேறு ஒரு சீரியஸான கேள்வியை முன்வைக்க மாணவர் கூட்டம் சலசலக்கிறது. சாரு உடனே அக்கேள்வியை விடுத்து ஏதேதோ பேசி அவர்களை சிரிக்க வைக்கிறார். கவனத்தை தன் பக்கம் திருப்புகிறார். அதன் பிறகு அவர் பேசிய பல விசயங்கள் அவரை அந்த மாணவர்களிடத்து அவ்வளவு நெருக்கமாக உணர வைத்தது. அதே போல 90ஸ் கிட்ஸுடன் அவரிடம் பின்னர் பேசும் போது அவர்களுக்கு ஏற்ப வேறு விசயங்களை எடுத்துக் கொள்கிறார். உரையாடல் விற்பன்னன். ஆனால் அவர் மிகவும் இயல்பாக மகிழ்ச்சியாக உணர்வது பதின்வயதின் கலக மனப்பான்மையில் திளைப்பவர்களுடன் இருக்கையில் தான். அவ்விசயத்தில் அவருக்கு ரஜினிக்கும் ஒரு ஒற்றுமை உள்ளது. என்ன ரஜினிக்கு சாருவை விட “வயதாகி” விட்டது.
கருத்துகள்