ரசிக மனநிலை இன்று தமிழ்நாட்டு அரசியலைச் சாக்கடைக்குள் தள்ளிவிட்டதுதான். ஆனால் அதற்குத் தீர்வுதான் என்ன? அணில்கள், தறுதலைகள் என ரசிக மனநிலையைக் கண்டு அஞ்சி அதைப் பகடி செய்யாமல் அதனுடன் உரையாடலாம். அவர்களை உருவாக்கும் கட்டமைப்பைப் புரிந்து கொள்ளலாம். அண்மையில் நான் தோழர் பல்லவியிடம் அவர் ஏன் சிறுவயதில் விஜய் ரசிகராக இருந்தார், பின்னர் எவ்வாறு திருந்தினார் எனக் கேட்டுக் கொண்டிருந்தேன். அவர் தெளிவாகப் பதிலளிக்க மறுத்துவிட்டார். எனக்கு ஒரு ரசிகரின் உளவியலை, அவர் முன்னாள் ரசிகராக இருந்தாலும், தெரிந்து கொள்வது மிகவும் முக்கியம் எனத் தோன்றுகிறது. அப்போதே தற்போதைய ரசிகர்களுடன் உரையாட முடியும். ஒவ்வொரு உரையாடலும் ஏதாவது ஒருவிதத்தில் பலனளிக்கும். உண்மையான பலன் என்பது சினிமா மோகம் அரசியலை விட்டு ஒழிவதுதான். அதற்கு ஒரு தீர்வு தமிழ்நாட்டில் வணிக சினிமாவுக்கு எதிராக ஒரு இயக்கம் தோன்றுவது. வங்க, மலையாள மொழிகளில் நாற்பது ஆண்டுகளுக்கு முன்னால் ஆரம்பித்த அத்தகைய இயக்கங்கள் ஏனோ தமிழில் நிகழவில்லை. இங்கு இடதுசாரி ஆதரவாளர்களும் மாஸ் சினிமா இயக்கத்துடன் கைகோத்தார்கள். அவர்கள் சினிமா எடுக்கவே விரும்பினா...