அரசி: “என்ன இன்னிக்கு தொண்டர்கள் கூட்டம் ரொம்ப ஓவரா இருக்கே”
விதூஷகன்: “இவர்களெல்லாம் கடந்த மூன்று வருடங்களில் நீங்கள் டிஸ்மிஸ்
செய்த மந்திரிகள், நிர்வாகிகள் அரசி. பிழைக்க வழியில்லாமல் மீண்டும் உங்களை நாடி
வந்திருக்கிறார்கள். பாவம் எதிர்க்கட்சியில கூட சேர்த்துக்க மாட்டேங்கிறாங்க”
அரசி: “எதிர்க்கட்சியா? அப்பிடி ஒரு கட்சியே கிடையாதே”
விதூஷகன்: “ஆமாம் அரசி. அதனால் தான் ரொம்ப கஷ்டப்படுகிறார்கள்.”
அரசி: ”ம்ம்ம் பாவமாத் தான் இருக்கு. என்ன பண்ணலாம்”
விதூஷகன்: “அரசி, நம் யானைகள் காப்பகத்தில் சோற்று உருளைகளை உருட்டுகள்
வேலைகள் காலியாக உள்ளன. இவர்களை அதற்கு நியமிக்கலாமா? இல்லாட்டி அம்மா காண்டீன்ல
அரிசியில கல்லு பொறுக்க அனுப்பலாம்.”
அரசி: “இவனுங்களுக்கு ஒழுங்கா ஒரு சேலை மடிக்க தெரியாது. துரத்து
எல்லாரையும். ஒருத்தனும் எம்முன்னே நிக்கக் கூடாது”
***********************************************************************************************************
தலைவர் மகன் 1: “எங்க
போனாலும் குடும்ப ஆட்சி குடும்ப ஆட்சின்னு காதை கடிக்கிறாங்க”
தலைவர் மகன் 2: “எனக்கும்
அதே பிரச்சனை தான்.”
தலைவர் மகன் 1: “ஆனால்
என் குடும்பமே கட்சி தான். எங்க அப்பாவை நான் தலைவர்னு தான் கூப்பிடுவேன் தெரியுமா”
தலைவர் மகன் 2: “எங்க
அம்மாவை நான் மாதாஜீன்னு தான் கூப்பிடுவேன்”
தலைவர் மகன் 3: “ஹா ஹா ஹா
அப்பனாவது மகனாவது. எனக்கே பேரன் பொறந்தாச்சு. ஆனால் என் அப்பன் நான் அவருக்கு
புள்ளையில்லைங்கிறாரு. ஹா ஹா. வாழ்க்கையே பித்தலாட்டம்”
தலைவர் மகன் 2: “ஏதோ ஒரு
சத்தம் கேட்டுதில்ல.”
தலைவர் மகன் 1: “இல்லியே.
(தொடர்ந்து) சினிமாவில, வியாபாரத்தில, தொழில்ல, ஏன் மதத்துல கூட குடும்ப ஆட்சி
இல்லியா? குடும்ப ஆட்சின்னு திட்டுற விஜயகாந்த் அவர் புள்ளைய வச்சு சினிமா
எடுக்கலியா? திருபாய் அம்பானி சொத்தை அனிலும் முகேஷும் ஆளலியா? உண்மையில பிரச்சனை
அது இல்ல. குடும்பத்தில பல பேர் ஆட்சியில பங்கு கேட்குறாங்க. அதை மக்கள்
ஏத்துக்கல. அதனால தான் இந்த தேர்தல்ல துவைச்சு எடுத்துட்டாங்க. ஆனா ஒண்ணு நீ ரொம்ப
அதிர்ஷ்டசாலிப்பா. ஒரு அக்கா, அவங்களால உனக்கு எந்த ஆபத்துமில்ல”
தலைவர் மகன் 3: “ஹா ஹா”
தலைவர் மகன் 2: “யாரோ
சிரிக்கிற மாதிரி கேட்டுதில்ல.”
தலைவர் மகன் 1: “கேட்காத
மாதிரி இருந்துக்கோ. போக போக பழகிரும்.”
கருத்துகள்