ஆப்பிளும் மார்புகளும்

Dear Abilash sir. 

"Kadavul Irukiraraa" is a nice article in Uyirmmai. May god bless you.

The bible says it is tree and we say it is a apple tree. I hope u know this. Kindly make a note of it.

Regards
jerin

நன்றி ஜெரின். ஒரு சின்ன விளக்கம். நீங்கள் சொல்வது சரி தான். அது fig மரம் என்றும் படித்திருக்கிறேன்.

ஆனால் என் கேள்வி இது: விவிலியம் மனிதனால் எழுதப்பட்டது. அது நூற்றாண்டுகளாய் பல சேர்க்கைகளை பெற்று வளர்ந்துள்ளது, மாறி உள்ளது. இன்றுள்ள விவிலியம் மக்கள் தமக்காய் தாமே எழுதிக் கொண்டது. இங்கு தான் ஆப்பிளும் வருகிறது.

ஆப்பிள் ஒரு பிரமாதமான குறியீடு. அதன் சிவப்பும் வழவழவென்ற உருளை வடிவமும் காமத்தின் குறியீடு. ஆபத்தின, அழகின் குறியீடு. அதன் வழியே தான அது் பாவத்தின், விலக்கப்பட்ட செயலின் குறியீடும் ஆகிறது. அதனால் தான் தமிழில் ஏவாள் கடித்தது ஆப்பிள் எனும் எண்ணம் எழுத்தாளர்களிடம் குறிப்பாய் பரவலாய் உள்ளது. வெறும் விலக்கப்பட்ட கனி என்பதை விட ஆப்பிள் எனும் போது ஏற்படும் அகச்சித்திரமும் உணர்வுகளும் தனித்துவமானவை.

தகவலின் சரித்தன்மையா மொழியின் குறியீட்டுத்தன்மையா? எது முக்கியம்?

சமீபத்தில் ஒரு கூட்டத்தில் ஒரு தோழி கோபமாய் கேட்டார்: ஏன் கண்ணகி மார்பை பறித்து எறிந்ததாய் சொல்கிறார்கள்? பெண்களின் அந்த உறுப்பை தவிர்த்து வேறு எதிலும் ஆண்களின் கவனம் செல்லாதா!

பெண்ணிய கோணத்தில் அவர் கேள்வி முக்கியமே. ஆனால் ஒற்றை முலை எனும் சொல் நம் கற்பனையில் தீக்கனலாய் மிளிர்ந்து கொண்டே இருக்கிறது. நூற்றாண்டுகளாய்! எத்தனையோ தாய்களின் கோபத்தை நாம் அந்த சித்திரம் மூலம் மட்டுமே உணர்ந்து கொள்கிறோம். கண்ணகியின் சிலையை ஜெயலலிதா அகற்றிய போது பலர் வெகுண்டெழுந்ததற்கு காரணம் அதில் நம் நூற்றாண்டுகளின் உணர்வுகள் படிந்துள்ளது, அதில் நாம் கண்டுள்ள அநீதியால் கொதிப்புறும் அத்தனை பெண்களையும் கண்டறிந்தோம் என்பதால் தான்.
ஆப்பிளும் மார்புகளும் வெறும் ஆப்பிளும் மார்புகளும் அல்ல.

ஜெரின் உங்கள் அவதானிப்பு சரியே. ஆனால் உணர்வுகளின் தடத்தில் பயணிக்கையில் எழுத்தாளனுக்கு தகவலின் சரித்தன்மையை கடந்து பேசும் சுதந்திரம் உண்டு என நினைக்கிறேன்.
அன்புடன்
ஆர்.அபிலாஷ்