நண்பர்களே, ஒரு யுடியூப் சேனல் ஆரம்பிக்கலாம் என இருக்கிறேன் - சினிமா, அரசியல், சாப்பாடு என்றெல்லாம் கும்பலோடு கோவிந்தாவாக அது இருக்காது. இலக்கியம், தத்துவம், நான் வாசித்த சிறந்த நூல்களின் அறிமுகம், (அவ்வப்போது மட்டும்) சமூக அரசியல் விசயங்களில் என்னுடைய பார்வை, கூடவே அன்றாடம் என் மனத்தில் உதிக்கிற எண்ணங்களை விவாதிப்பது என காணொலிகளைப் பதிவேற்ற உத்தேசம்.
பல்லாயிரம், பல லட்சம் பார்வையாளர்களைப் பெறுவதோ, மூட்டை மூட்டையாய் சம்பாதிப்பதோ உத்தேசம் அல்ல; என்னால் இந்த பிரேக்கிங் நியூஸ், கேளிக்கையாள யுடியூபர்களால் போட்டியிட முடியாது. சுதந்திரமாக சொந்த விருப்பப்படி இயங்கினால் ஒருவருக்குக் கிடைக்கிற வியூஸ் எனக்கும் போதும் என நினைக்கிறேன்.
எதற்கு ஒரு யுடியூப் சேனல்?
மக்கள் படிப்பதில் ஆர்வம் இழந்து கொண்டே வருகிறார்கள். ஒன்றை காட்சிபூர்வமாய், பேச்சாய் கொண்டு சேர்க்கும் போது அழுத்தமாய் அவர்கள் மனத்தில் பதிகிறது.
மேலும் ஒரு கருத்தை வாசகர்களை விட பார்வையாளர்களிடம் பரவலாக வேகமாய் கொண்டு சேர்க்க முடிகிறது. காணொலி வழியாக வெளியாகும் போது, எழுத்தை விட, குறைந்தது பத்து மடங்கு அதிகமாய் நம் கருத்துக்கள் போய் சேர்கின்றன. திறமையான பேச்சாளர்களால் நூறு மடங்கு அதிகமாய் கூட போய் சேர முடியும்.
பிளாகில் இருந்து பேஸ்புக்குக்கு வந்ததைப் போல யுடியூபுக்குப் போகிறோம். எப்படி பேஸ்புக்கில் பிரபலமாக முயல்வில்லையோ யுடியூபிலும் மாட்டேன். அதனால் லைக் பண்ணுங்க, ‘சர்ப்ரைஸ்’ பண்ணுங்க என்றெல்லாம் ஒவ்வொரு முறையும் உங்களை டார்ச்சர் பண்ண மாட்டேன். வழக்கமாய் பார்க்கிறவர்கள், பார்க்க வேண்டியவர்கள் மட்டும் பார்த்தால் போதும். வனிதா சேனல், சினிமா விகடன் பேட்டிகள், சமையல் வீடியோக்களை, செலிபிரிடி விளாகுகளைப் பார்க்கிறவர்களிடம் ஒரு தீவிரமான கருத்தை சுலபத்தில் கொண்டு சேர்க்க முடியாது என அறிவேன். என்னைப் போல யோசிக்கிற ஒரு சிறுபான்மையைத் தான் இலக்காக வைத்துள்ளேன்.
உங்கள் அறிவுரைகளை, கருத்துக்களை எதிர்பார்க்கிறேன்.
கருத்துகள்
உங்களைப் போன்றவர்களிடம் உள்ள எழுத்தின் வீச்சு யூடியுப்பின் பேச்சில் வராது.. அப்படியே ஆரம்பித்தாலும் ஒரு வீடியோவில் ஒரு செய்தியை மட்டும் பகிருங்கள் அதுவும் 10 நிமிடங்களுக்கு மேல் செல்ல வேண்டாம்
உங்கள் எண்ணங்களுக்கு காட்சி வடிவம் கொடுக்க முடியுமானால் மிகவும் நன்றாக இருக்கும். நீங்கள் உயிர்மையில் எழுதிய ‘புரூஸ்லீ’ பற்றிய கட்டுரைக்கு அப்படி ஒரு வடிவம் கொடுக்க உங்கள் அனுமதியுடன் நினைத்திருந்தேன். ‘முகமூடி’ படம் பற்றிய கருத்துக்களுடன் மாறுபட்டாலும். சீக்கிரமே உங்களை யூ-ட்யூப் காணொளிகள் மூலம் சந்தித்து இணைப்பில் இருக்க ஆவல்.
மீண்டும் வாழ்த்துக்களுடன்
ஆத்மாநாம்