செய்யறிவைப் பயன்படுத்தி ஒரு சிறிய விளையாட்டை உருவாக்கினேன். ஆங்கில வாக்கிய அமைப்பைக் கற்பதற்கான மிக எளிய விளையாட்டு இது. சொற்களைச் சரியான வரிசையில் சொடுக்கினால் கதையின் முதல் வாக்கியம் வரும். இப்படி அடுத்தடுத்து வாக்கியங்களை உருவாக்கினால் மொத்த கதையும் கிடைக்கும். இதை ஒரு கால்பந்து விளையாட்டாக உருவாக்கக் கேட்டேன்.
பிராம்ட் கொடுப்பது எளிதுதான். ஆனால் இது இலவசச் செய்யறிவு என்பதாலே ஏனோ தொடர்ந்து பல்வேறு தவறுகளைச் செய்தது. ஒவ்வொன்றாகத் திருத்தி இறுதி வடிவத்தை உருவாக்க நேரம் பிடிக்கிறது. ஆனால் நல்ல அனுபவம். நீங்களும் முயன்று பார்க்கலாம். என்னுடைய ஆசை கதையமைப்புக்குப் பயிற்சி அளிக்கும் விளையாட்டு ஒன்றை எதிர்காலத்தில் உருவாக்க வேண்டும் என்பது. ஒரு சம்பவம், அதை அடுத்து சில விருப்பத் தேர்வுகள். சரியானதைச் சொடுக்கினால் கதை அடுத்த கட்டத்துக்குப் போகும். இப்படி 8-10 மையக் காட்சிகளை உருவாக்கினால் மொத்த கதையும் வர வேண்டும். பயனர் இதை விளையாடி கதையின் அமைப்பைப் புரிந்து கொள்ள வேண்டும். நிரலாக்கம் தெரிந்தவர்களால் இன்னும் சிக்கலான கதையமைப்பு விளையாட்டுகளை உருவாக்க இயலும். மற்றவர்களுக்கு எளிமையான விளையாட்டுகள்தாம் சாத்தியமாகும் என நினைக்கிறேன். தமிழில் இப்படியான வேலைகளை தொழில்நுட்பம் தெரிந்தவர்களுடன் கூட்டு சேர்ந்து பண்ண முடிந்தால் ஜாலியாக இருக்கும்.
இப்போதைக்கு இதுதான் என் வாக்கிய அமைப்பு கால்பந்து விளையாட்டின் இறுதி வடிவம். விளையாடிப் பார்த்துவிட்டுச் சொல்லுங்கள்:
https://chat.z.ai/space/t1qb61z295y0-art
கருத்துகள்