ஆர். அபிலாஷின் இணையதளம்

வன்முறை கொண்ட பெண்களும் பலவீனமான ஆண்களும் ஆணில் பாலியலுக்குள் “ முள்ளை ” தைக்க வைப்பது வன்முறை அல்லவா ? இதனாலே சாருவின் உலகில் பெண்கள் மறைமுக வன்முறையாளர்களாய் தோன்றுகிறார்கள் . சாருவின் நாவல்களில் வன்முறையை ஒரு மையமாய் கொண்ட நாவல் “ தேகம் ”.  “ தேகம் ” நாவலின் மைய பாத்திரம் பாலியல் குற்றவாளிகளை வதை செய்யும் ஒரு வல்லுநன் . வதையை ஒரு கலையாக மாற்றியவன் . அவனது மனைவியாக வரும் பெண்ணோ ஒரு எறும்பைக் கொல்வதைக் கூட ஏற்காதவள் . கடுமையான அஹிம்சாவாதி . ஆனால் அவள் அவனை தொடர்ந்து உளவியல்ரீதியாய் வதைத்துக் கொண்டிருப்பாள் . அவள் செலுத்தும் வன்மத்தின் முன் அவன் சிறுத்துப் போவான் . அவனை விட ஆகப்பெரிய வதையாலள் அவளே என சாரு முத்தாய்ப்பாய் முடிப்பார் . சாருவின் ஆண்களிடம் இந்த முரண் - எதிர்வு தொடர்ந்து வரும் . சாருவின் ஆண் பாத்திரங்கள் அடாவடித்தனம் பண்ணுவார்கள் . ஆதிக்கமாய் தெரிவார்கள் . இன்னொரு புறம் பெண்களிடம் புள்ளப்பூச்சியாகி விடுவார்கள் . அவர்கள் சதா பாலுறவு கொண்டாட்டங்களில் திளைப்பார்கள் . இன்னொரு புறம் பாலிய...

  விஷ்ணுபுரம் இலக்கிய விழா பற்றின என் கட்டுரைக்கு நண்பர் ராஜகோபாலின் பின்னூட்டத்துக்கு எனது பதிலே இந்த பதிவு . முதலில் அந்த பின்னூட்டம் : அன்புள்ள அபிலாஷ் , விழாவுக்கு வந்தது , கலந்துரையாடியது ஆகியவற்றுக்கு முதலில் நன்றி. உங்களது பார்வைக்கு சில பதில்கள் சொல்லலாம் என நினைத்தே இந்த பதிவு. 1. இடப்பக்கம் காண்பித்தால் வலப்பக்கம் போய்தான் முன்னேற முடியும் என்று உங்களுக்கு எப்படித் தெரியும் ? இந்த மறுத்து பேசி முன்னேறும் கதையை இன்னும் எத்தனை ஆண்டுகளுக்கு புதிதாய் வரும் வாசகருக்கு சொல்லப்போகிறோம் ? மறுப்பதன் வழியே மட்டுமே முன்னேற முடியும் எனும் உயர் தத்துவம் இல்லாமலேயே ஒப்புக்கொண்டு மேலதிகமாக முன்னேற முடியாதா ?

வணக்கம் அபிலாஷ். விஷ்ணுபுரம் விழா பற்றிய பதிவுகள் வாசித்தேன். நன்றாக எழுதியிருந்தீர்கள். ஆனால் , உங்களுக்கும் கே.என் செந்திலுக்கும் நடைபெற்ற விவாதம் குறித்து எழுதுவீர்கள் என்று எதிர் பார்த்தேன். எழுதும் எண்ணம் இருக்கிறதா ? என்னளவில் அது ஒரு முக்கியமான விவாதமாகப் படுகிறது. இப்படிக்கு கார்த்திக் பாலசுப்பிரமணியன் வணக்கம் கார்த்திக் நன்றி . கே . என் செந்திலுடன் நடந்தது ஒரு விவாதம் அல்ல என எண்ணுகிறேன் . ஒரு குறுகலான சாலையில் இரண்டு கார்கள் இடமின்றி ஒன்றையொன்று மறித்து நிற்பது போன்ற சம்பவம் அது . போக இடமில்லை எனத் தெரிந்ததும் நானே ரிவர்ஸ் எடுத்து அவரைப் போக அனுமதித்தேன் . நான் அவரிடம் கருத்து மோதலில் ஈடுபட முயலவில்லை . ஏனெனில் எங்கள் இடையே அது சாத்தியமில்லை என எண்ணுகிறேன் .

Finished reading your novel, kadai mudivirku... and the collection of stories, appavin puligal.  The novel made rapid reading but much of it, i felt, was similar to arushi murder case that rocked noida/delhi some years back. Is that a coincidence or a concious take-off?  Your stories are amazing. A touch of magical realism in many, a few are surreal but enjoyed reading each one of them. Appavin puligal was a fascinating take on dealing with grief n difficult relationship with one's father. It touched a raw nerve in me.  Thanks so much n best wishes.  B Mangalam

  சாரு மற்றும் ஆதவனின் ஆண் பாத்திரங்களுக்கு ஒழுக்கவாத அணுகுமுறை துளியும் இல்லை . அவர்கள் எந்த சித்தாந்தத்தையும் நம்பி முன்னெடுப்பதில்லை . ஆக எந்த நிலைப்பாடுகளுடனும் முரண்படுவதில்லை . அவர்கள் எதையும் பிரநுத்துவப்படுத்தவதில்லை . மேலும் , சாரு ஒரு எதிர்க்கலாச்சார நிலைப்பாட்டை தெளிவாகவே முன்வைக்கிறார் . ஒழுக்கமீறலே தன் ஒழுக்கம் என்கிறார் . ஆதவனின் ஆண் பாத்திரங்கள் வெளிப்படையாய் ஒரு ஒழுக்கவியல் நிலைப்பாட்டை எடுப்பதாய் தெரியும் . ஆனால் உண்மை அதுவல்ல . அம்மா -- மாமிகள் -- மாமிகள் -- இளம்பெண்கள் -- மாமிகள் ராமசேஷன் சிறுவயதில் இருந்தே தன் வயதை ஒத்த பெண்களிடம் பழகினவன் அல்ல . அவன் மாமிகளின் மடியில் புழங்கியே வளர்கிறான் . பாலியல் ஜோக் சொல்லி அவர்களை சிரிக்க வைப்பது , சினிமா வசனங்களை பேசியும் , அடுத்த வீட்டு மாமிகளையும் போல செய்தும் அவர்களை குஷிப்படுத்துவது என அவன் வளர்கிறான் . இப்படியான மாமிகளின் வாசம் தான் தனது பிரதான குறை என அவன் தன் அம்மா மற்றும் தங்கையிடம் புலம்புகிறான் . தன் வயதை ஒத்த பெண்களிடம் பழக...

முதல் பதிவில் நான் குறிப்பிட்டவற்றை ஒட்டி மேலும் சில பரிந்துரைகளை கீழே தருகிறேன் . சமூக அரசியல் பார்வையை முன்னிறுத்தாமல் இலக்கியப் பிரதியை அதுவாக மட்டுமே அலச முடியும் . ஆனால் இன்றுள்ள சூழலில் எல்லா வகையான பேச்சுகளுக்கும் பிரதிகளுக்கும் இலக்கிய சூழலில் முக்கியத்துவம் பெறுகின்றன . சென்னை பல்கலையில் ஒரு மாணவி சேலைகளின் டிசைனை கூட ஒரு பிரதியாகக் கண்டு அலசி முனைவர் பட்டம் வாங்கினார் . உ . தா ஒரு ஆன்மீகச் சொற்பொழிவில் என்ன மாதிரியான சொற்கள் , எந்த விதமான வாக்கிய அமைப்புகள் பயன்படுகின்றன , அவை சமூகத்தின் கூட்டுமனதில் எப்படியான அர்த்தங்களை உருவாக்குகின்றன என்றெல்லாம் இன்றொரு இலக்கிய விவாதத்தில் பேச வேண்டிய சூழலில் இருக்கிறோம் .

விஷ்ணுபுரம் வாசகர் வட்ட விருது வழங்குவதை ஒட்டி நடந்த இருநாள் இலக்கிய நிகழ்வில் கலந்து விட்டு இப்போது தான் ஊருக்குத் திரும்புகிறேன் – உற்சாகமாய் , நிறைவாய் , இனிய நினைவுகளுடன் . பொதுவாக இலக்கிய கருத்தரங்குகளில் உரையாற்றி ஆற்றியே கொன்று விடுவார்கள் . ஆனால் இந்த நிகழ்வில் அரங்குகளை உரையாடல் வடிவில் அமைத்திருந்தார்கள் . வாசகர்களின் கேள்விகளுக்கு படைப்பாளிகள் பதிலளித்தார்கள் . அதை ஒட்டின சிறு விவாதங்கள் நடந்தன . சரியான நேரத்தில் ஆரம்பித்து துல்லியமாய் அளிக்கப்பட்ட நேரத்தில் முடித்தார்கள் . உணவு , உபசரிப்பு , சூழல் , ஒழுங்கு அனைத்துமே பாராட்டடத்தக்க வகையில் இருந்தன . ஒருவிதத்தில் சிறுபத்திரிகை சூழலுக்கு அந்நியமாயும் இருந்தன . ( அதைப் பற்றி பிற்பாடு கூடுதலா சொல்கிறேன் .) ஜேனிஸ் எனும் மேகாலய படைப்பாளியை நிகழ்ச்சிக்கு அழைத்து உரையாட வைத்தது ஒரு முக்கியமான முயற்சி . ஜெ . மோ கேரள , கர்நாடக படைப்பாளிகளை அவர் ஏற்கனவே அழைத்து வந்திருக்கிறார் . இப்போது அவருக்கு முற்றிலும் தொடர்பற்ற ஒரு உலகில் இருந்து ஒரு படைப்பாளியை கொண்டு வந்திருக்கிறார் . இதன் நீட்சியாக நம் இலக்கிய கூட்டங்களில் வேற்று மொழி...