நித்தியின் ரிசர்வ் வங்கியும் இந்திய கறுப்புப்பண களவாணி சட்டமும்

//There is a way out if a person wishes to legitimize his/her black money, a donation of the same to any charitable institution after cutting a deal, based on a quid pro quo, with the owner of that institution can ensure the legitimization of black money.//

(மேலும் படிக்க இந்த லிங்கை கிளிக் செய்யவும்: http://www.legalserviceindia.com/legal/article-1070-should-india-start-taxing-the-religious-institutions.html)

இந்திய அரசியலமைப்பு சட்டம் (Sub-sections (23BBA), (23C) [v] மற்றும் Direct Taxes Code of 2009, Item No. 37 in the Seventh Schedule.) உருவாக்கப்பட்ட போது வலதுசாரிகளும் முதலாளிகளும் இணைந்து கறுப்புப் பணத்தை பாதுகாக்க உருவாக்கிய ஒரு உபாயம் தான் (அது பின்னர் இன்னும் வசதியாக விவாக்கப்பட்டது) மதநிறுவனங்களுக்கு அளிக்கப்படும் நன்கொடைக்கு வரிவிலக்கு உண்டு, அதற்கு கணக்குக் காட்ட வேண்டியதில்லை, இந்த பணம் மத நிறுவனங்களுக்குள் சென்ற பிற்பாடு அதற்கு வரியில்லை என்னும் சட்டம். 

ஒரு பெருமுதலாளி / குற்றவாளி ஜக்கி, நித்தி, ஸ்ரீ ஸ்ரீ, அமிர்தானந்த மயி போன்றோரின் கையில் கொடுக்கும் கறுப்புப் பணம் இப்படி மிக பத்திரமாக இருக்கும். இந்த நிறுவனங்கள் அடிப்படையில்  மறைமுக கறுப்புப் பண வங்கிகள். மதரீதியான மக்கள் ஆதரவு, அரசியல்வாதிகளின் பினாமிகளாக செயல்படுவது போன்ற காரணிகள் இந்த கல்ட் அமைப்புகளை ரிசர்வ் வங்கியை விட, நிதி அமைச்சகத்தை விட அதிகாரமிக்க அமைப்புகள் ஆக்குகின்றன. எல்லோருடைய சிண்டுகளும் இவர்கள் வசமே இருப்பதால் ரொம்ப ரொம்ப பாதுகாப்பாக கறுப்புப் பண அறுவடையில் ஈடுபடுகிறார்கள். 

ஓஷோவில் இருந்து ஜக்கி, அமிர்தானந்த மயி, நித்தி என யாருமே பரம்பரை செல்வந்தர்கள் அல்ல, பிறப்பில் மத்திய, கீழ்மத்திய, அடித்தட்டை சேர்ந்தவர்கள். அநேகமாய் ஒன்று அல்லது இரு பத்தாண்டுகளில் அவர்களிடம் பல லட்சம் கோடி சொத்துக்கள், எந்த உழைப்போ முதலீடோ இன்றி, சேர்ந்தது இப்படித்தான். நித்தியானந்தா இன்று ரிசர்வ் வங்கி ஆரம்பித்துள்ளது புதுசல்ல, ஒவ்வொரு கார்ப்பரேட் சாமியாரும் இங்கு ரிசர்வ் வங்கிகளை எந்த சட்டத்துக்கும் உட்படாமல் நடத்தி வருகிறார்கள். நித்தி அதை மறைமுகமாய் அம்பலப்படுத்துகிறார். அதற்கு நாம் அவருக்கு நன்றிக் கடன்பட்டிருக்கிறோம்.

கறுப்புப் பணத்தை "சிவாஜி" படத்தில் காட்டுவதைப் போன்று யாரும் கிணற்றிலோ பீரோவிலோ, "கந்தசாமியில்" காட்டப்படுவதைப் போல சொகுசுப் பேருந்திலோ ஒளித்து வைப்பதில்லை. கணிசமான கறுப்புப்பணம் சட்டத்தின் ஓட்டையை பயன்படுத்தி, மக்களை ஏமாற்றி நித்திகளிடம் பாதிக்கப்படுகிறது; சாமியார்களின் பணம் பக்தர்களின் பணம் என்பதைப் போன்ற பச்சைப் பொய் வேறில்லை. 

இந்த சட்டத்தை நித்திகளும் ஜக்கிகளும் மட்டுமல்ல கிறித்துவ, இஸ்லாமிய மத அமைப்புகளும் தாம் கறுப்புப் பண பரிவர்த்தனைக்காக பயன்படுத்துகின்றன. 

கொஞ்சமாவது சமூகப் பொறுப்புள்ள ஒரு தலைவர் இந்நாட்டில் உண்டெனில் அவர் இச்சட்டத்தை ரத்து செய்யும் முயற்சிகளை எடுக்க வேண்டும், அதைப் பொதுமக்கள் ஆதரிக்க வேண்டும். மற்றபடி கறுப்புப்பணத்தை ஒழிக்கிறேன் என கிளம்புகிறவர்களை நம்பாதீர்கள், அவர்கள் கறுப்பாடுகள்!

இச்சட்டம் ரத்தானால் கறுப்புப் பணம் ஒழியும், ஒரு சில வருடங்களில் கார்ப்பரேட் சாமியார்கள் காணாமல் போவார்கள்!