முதன்மை உள்ளடக்கத்திற்குச் செல்

எங்கள் சொத்து (ஆன் கார்ஸன் கவிதைகள் 2)

 “OUR FORTUNE

In a house at dusk a mother's final lesson

ruins the west and seals up all that trade.

Look in the windows at night you will see people standing.

That's us, we had an excuse to be inside.

Day came, we cut the fruit (we cut

the tree). Now we're out.

Here is a debt

paid.”


Excerpt From

Decreation

Anne Carson


எங்கள் சொத்து

  • ஆன் கார்ஸன்
  • தமிழில் ஆர். அபிலாஷ்

அந்தியில் ஒரு வீட்டில் அம்மாவின் கடைசிப் பாடம்

மேற்கை நாசப்படுத்தி முடிவுக்குக் கொண்டு வருகிறது மொத்த வணிகதத்தையும்.

ஜன்னல்கள் வழியாக இரவில் பார்த்தால் உனக்கு அங்கே மக்கள் நிற்பது தெரியும்.

அது நாம் தாம், எங்களுக்கு உள்ளே போக ஒரு சாக்கு கிடைத்தது.

பகல் வந்தது, நாங்கள் பழத்தை நறுக்கினோம் (மரத்தை

வெட்டினோம்). இப்போது வெளியே வந்துவிட்டோம்.

இதோ கடனை

அடைத்துவிட்டோம்.


(“அழிவாக்கம்” (Decreation) தொகுப்பில் இருந்து)


வாசகக் குறிப்பு: புரிந்துகொள்ள சற்று சிரமமான கவிதை இது. ஏனென்றால் கார்ஸன் இதில் வரவேண்டிய இணைப்பு வரிகளை, தகவல்களை, வர்ணனைகளை ரத்துபண்ணி விடுகிறார். கிட்டத்தட்ட எலும்புக் கூட்டை மட்டுமே நம் முன் நிறுத்துகிறார். நாம் ஒவ்வொரு வரியையும் இப்போது ஒரு குறியீடாக வாசிக்க வேண்டியிருக்கிறது. இந்த வடிவமே இக்கவிதையின் தனிச்சிறப்பு. எப்படிப் புரிந்துகொள்ளலாம்? இது என் வாசிப்பு:

அம்மா இங்கே இயற்கையின் குறியீடு. அப்பழுக்கற்ற உண்மையுடன் நாம் இயற்கையில் பிறக்கிறோம். அது மெல்லமெல்ல பூமியில் கறைபடிந்து உருவழிகிறது. அது அம்மா அளிக்கும் பாடம் என்பதே நகைமுரண். இயற்கை நம்மைப் படைத்து அழிக்கவும் செய்கிறது. அந்த அழிவுடன் நம் புதிய வாழ்வும் பிறக்கிறோம். நாம் அழிந்து பிறக்கிறோம். விதை அழிந்து செடி தோன்றுவதைப் போல. இருள் அழிந்து ஒளி பிறப்பதைப் போல. வணிகம் (பரிவர்த்தனை - உறவாடல்) இங்கு நமக்கும் இயற்கைக்குமான உறவைக் குறிக்கிறது. அடுத்து கவிதை மற்றொரு படிமத்துக்குத் தாவுகிறது. இரவில் வெளியே நிற்பவர்களை வீட்டுக்குள் இருந்து குழந்தைகள் பார்க்கிறார்கள். ஒருவேளை அங்கு யாரும் இல்லையோ? ஆனாலும் அவர்கள் தம் கற்பனையில் பயத்தில் இல்லாத ஒன்றைப் பார்க்கிறாள். காலை விடிகையில் அங்கு நிற்கிறது மரம் ஒன்று. அம்மரம் அறிதலின் மரம். அதில் இருந்து பறிக்கிறார்கள் கனியை (பாவத்தின் கனி). ஆனால் பழத்தை மட்டுமல்ல அவர்கள் மரத்தையும், ஒட்டுமொத்தமாக அறிதலின் மூலத்தையுமே, அழிக்கிறார்கள். இப்போது அவர்கள் மானுட வாழ்வின் விளிம்புக்கே வந்துவிடுகிறார்கள் (வீட்டுக்கு வெளியே வருவது). தாம் பெற்ற அறிவின், சொத்தின் கடனை அடைத்து விட்டோம் எனச் சொல்கிறார்கள். அது என்ன சொத்து? காலமே இங்கு சொத்து என நினைக்கிறேன். ஏனெனில் நாம் ஒருபோதும் உருவாக்காதது காலம் மட்டுமே. நாம் காலத்துடன் பிறக்கிறோம், நாம் காலத்தினுள் பிறக்கிறோம், நாம் காலமாகவே நம்மைக் கருதுகிறோம். ஆக, அதனிடம் இருந்து எதையோ பெற்றுக் கொள்ளவும், அதைப் போலச் செய்யவும் (காலாதீதம் ஆவது) முயன்று தோற்றுப் போகிறோம். நாம் அழியும் போதும், மரணமடையும்போது நாம் பெற்ற சொத்தின் கடனை அடைத்து விடுகிறோம். 

கருத்துகள்

இந்த வலைப்பதிவில் உள்ள பிரபலமான இடுகைகள்

இன்று அவளது ஐம்பதாவது திருமண நாளாக இருக்க வேண்டும் (ஆன் கார்ஸன் கவிதைகள் 3)

  ரொமானிய சுவரை நோக்கி உரையாற்றுகிறது குளிர் - ஆன் கார்ஸன் - தமிழில் ஆர். அபிலாஷ் ஒளி மட்டற்று ( சிறைப்படுத்தப்பட்டது ) மேலும் , நிழல்கள் விழக் காத்திருக்கின்றன தலைமறைப்புகளைப் போல . மூளை தட்டுகிறது இருமுறைகள் உப்புக்காக .   WOULD BE HER 50TH WEDDING ANNIVERSARY TODAY Cold orates upon a Roman wall. Light is extreme (caught) and shadows wait like hoods to drop. Brain taps twice for salt. Was it Ovid who said, There is so much wind here stones go blank. (Excerpt From Decreation, Anne Carson) வாசகக் குறிப்பு : இதுவும் ஒரு கீறல் ஓவியம் போன்ற கவிதைதான் . விளக்கக் குறிப்புகளோ விவரணைகளோ இல்லை . கதையாடல் கவிதையென்றாலும் யார் , என்ன , எப்படி , ஏன் ஆகிய தகவல்களை நாமே அனுமானிக்க வேண்டும் . இப்போது ஒவ்வொரு சொல்லும் ஒரு உருவகமாகிறது ( ஏனெனில் தலைப்பில் உள்ள திருமண பந்தம் குறித்த விபரம் இதைக் குறியீடாக்காமல் தடுக்கிறது ). ஐம்பதாவது திருமண நாளெனில் அவருக்கு வயது 70 இருக்குமா ? அவர் ரொமானிய வரலாற்றுச் சின்னங்களைக் காண வந்...

இருளின் காலம்

ஊடகவியலாளர்களைக் கொத்துக்கொத்தாகக் கைது பண்ணுகிறார்கள் எனும்போதே நெருக்கடி நிலை ஆரம்பித்துவிட்டது ஊர்ஜிதம் ஆகிறது. அதுவும் போராட்டங்களைப் பதிவு பண்ணுவதற்குப் போனவர்களை. ஒட்டுமொத்தமாக போராடுபவர்களைத் தூக்கிச் சிறையில் வைப்பது, அவர்களைக் குறித்த விபரங்கள், காணொளிகள், செய்திகள் வெளிவராமல் பார்ப்பதே பாஜக அரசின் திட்டம். இனி அடுத்து என்னவெல்லாம் செய்வார்கள்? எதிர்க்கட்சிகளின் செயல்பாட்டாளர்களை கண்ட இடத்தில் கைது, மறைமுகமாக பல ஊடகங்கள் முடக்கம், மக்கள் சில பகுதிகளில் பயணிக்க மறைமுகத் தடை, எந்தெந்த விசயங்கள் ஊடகங்களில் பேசப்படலாம் என்பதற்கான மறைமுக அறிவுறுத்தல் எனப் போகும். முடிவில் எதிர்க்கட்சிகள் தாம் ஆளும் மாநிலங்களில் போராடினால் ஆட்சிக் கலைப்பு நடக்கும். ஆளுநர் ஆட்சி வரும். இப்போதைக்கு நீதிமன்றங்கள் பிணை வழங்குவதால் சிறிது அவகாசம் போராளிகளுக்கும் எதிர்க்கட்சியினருக்கும் கிடைத்துள்ளது. வெளிவர முடியாத சட்டங்களில் கைது நடக்கும்போது நிலைமைத் தீவிரமாகும். ராகுல் காந்தி இப்போராட்டங்களை முன்னறிந்து பாராளுமன்றத்தில் பேசியது நினைவுக்கு வருகிறது. அதாவது கரப்பான்கள் தோன்றும் முன்பே இப்படியான போராட்ட...

தமிழ்நாடு ஏன் க்யானேஷ் குமாருக்கு எதிராகப் பொங்குவதில்லை?

  சினிமா போதையின் பிரச்சினைகளைப் பற்றி தமிழ்நாட்டு எழுத்தாளர்களே தொடர்ந்து அழுது புலம்பி சபித்து சமாதானமாகி இருக்கிறார்கள் இதுவரை. ஆனால் இப்போது முதன்முறையாக வெகுமக்கள் இடையில் சினிமா வெறியர்கள் அரசியல்மயமாவதற்கு எதிர்ப்பு வந்திருக்கிறது. குறிப்பாக 40-70 வயதுக்கு உட்பட்டோர் பேசுவதைக் கேட்டால் புரியும். அரசியல் நோக்கர்களும் இதனால் கசப்படைகிறார்கள். தமிழ்நாட்டினர் எப்படி மூளைச்சலவை செய்யப்பட்டனர் என திருப்பூர் குணாவும், ஜீவாவும், ஆர்.கே. சண்முகவேலும் சேர்ந்து ஒரு புத்தகமே எழுதியிருக்கிறார்கள் ("டிஜிட்டல் போதையில் நாம் யாரையும் தேர்ந்தெடுக்கவில்லை"). அவர்கள் சமூகவலைதளச் செயல்பாடுகளும் தரவுப் பகுப்பாய்வுத் தொழில்நுட்பமும் விஜய்யின் வெற்றிக்கு எப்படிப் பயன்பெற்றன என்றே பிரதானமாகப் பேசினாலும் விஜய்யின் சினிமாப் புகழ் அவரை வைத்து நடந்த டிஜிட்டல் பிரச்சாரத்துக்கு அடிப்படை என்பதை அவர்கள் மறுக்கவில்லை. கடந்த தேர்தலின் போதிருந்தே 'தற்குறி' எனும் சொல் இதற்கென மக்களால் பரவலாகப் பயன்படுத்தப்படுவதையும் பார்க்கிறோம். 'தற்குறி' சினிமா ரசிக மனநிலை, சினிமா மந்தைத்தனம் ஆகியவற்றை...