ஆர். அபிலாஷின் இணையதளம்

நேற்று நண்பர் தம்பிச்சோழனுடன் “கதை முடிவுக்கு வந்து விட்டீர்கள்” பற்றி விவாதித்தது ஒரு உற்சாகமான அனுபவம். ”ஒவ்வொரு காட்சியும் ஒரு சினிமாவை போல் கண்முன் ஓடுகிறது, இதை சுலபத்தில் படமாக்க முடியும்” என்றார்.

நேற்று இயல்பு விருது பெற்றவர்களின் படைப்புகளைப் பற்றி ஒரு கட்டுரை எழுதி தீராநதிக்கு அனுப்பினேன். அதில் குருபரனின் கவிதை பற்றியும் ஒரு பத்தி உண்டு. அது பற்றி அவரிடம் பேச நினைத்தேன். இன்று காலை மாரடைப்பில் அவர் மரணமுற்றார் என்ற அந்த எதிர்பாராத சேதி. வாழ்க்கையில் எவ்வளவு வேலைகள், எதிர்கால திட்டங்கள், தொடர்ந்து ஓட்டம் இதெல்லாம் முடிவுறாமல் சட்டென மின்சாரம் போவது போல் நின்று போகும் போது எதையோ பாதி முழுங்கி தவிப்பது போல் இருக்கிறது.

வாசக சாலை அமைப்பு வரும் சனிக்கிழமை நடத்தும் விவாத நிகழ்ச்சியில் என் நாவலான “ கதை முடிவுக்கு வந்து விட்டீர்களை ” தேர்ந்தெடுத்துள்ளார்கள் . பொதுவாக இந்த அமைப்பினர் தம்மைக் கவர்ந்த படைப்பை தான் தேர்ந்தெடுப்பார்கள் . முழுக்க அகவயமான தேர்வு . போன முறை அவர்கள் காலபைரவன் கதைகள் பற்றின உரையாடல் நடத்தின போது நான் கலந்து கொண்டு பேசினேன் . கால பைரவனை யாரும் கவனிக்காத வேளையில் இவர்கள் அவரது படைப்புகளின் முக்கியத்துவத்தை நினைவுறுத்தி நிகழ்ச்ச்சி நடத்தினார்கள் என்பது முக்கியம் . சனிக்கிழமை கட்டாயம் வந்து விடுங்கள் நண்பர்களே ! மேலதிக விபரங்கள் விரைவில் ....

இயல் விருது பெறும் தமிழ் இலக்கியத்தின் ராக் ஸ்டார் ஷோபா சக்திக்கும், நண்பரும் கவிஞருமான குமர குருபரனுக்கும் என் அன்பும் வாழ்த்துக்களும். அசோகமித்திரனை வாழ்த்து...

இன்றைய ஆங்கில ஹிந்து நாளேட்டில் பள்ளித் தேர்வுகளின் நெருக்கடி எப்படி பிள்ளைகளின் திறமை, படைப்பூக்கத்தை உலர்ந்து போக வைக்கிறது, தற்கொலைக்கு தூண்டுகிறது என்பது பற்றி ஒரு நல்ல நடுப்பக்க கட்டுரை வந்துள்ளது. எழுதியவர் ரோஹித் தன்கர். அஸிம் பிரேம்ஜி பல்கலையின் பேராசிரியர்.

ஒரு நண்பர் தனக்கு உரையாட தோழிகளே இல்லை. நெருங்கிப் பழக நினைக்கும் பெண்கள் ஏதாவது காரணம் சொல்லி விலகி விடுகிறார்கள். ஏன் அப்படி என கேட்டிருந்தார். அவருக்கான என் பதில் கீழ் வருவது: அன்புள்ள நண்பருக்கு ஒரு ஆண் தன் சமவயது பெண்ணுடன் தோழியாய் இருப்பது சிரமமான காரியமே. எந்த வகை நட்பிலும் ஒரு பாலியல் கோணம் இருந்தே தீரும். அதனால் தான் ஏற்கனவே காதலன் உள்ள பெண்கள் ஒரு புது ஆணின் நட்பு கோரலை ஏற்க தயங்குவார்கள். உங்களை விட வயது அதிகமான பெண்களிடம் இது சாத்தியமாகலாம். இன்றைய அலுவலகங்களில் ஆண் பெண் இணைந்து பணியாற்றும் வாய்ப்பு இருக்கும் போது நீங்கள் எதிர்பார்க்கும் காஷுவல் நட்புறவுகள் இரு சாராருக்கும் இடையே சாத்தியமாகும். அப்போது அந்த உறவில் ஒரு சின்ன ஜொள்ளு, வழிதல், கலாட்டா, கேலி எல்லாம் இருக்கும். ஒரு பெண்ணை காதலிப்பது இன்னும் சுலபம். ஆனால் பெண்கள் ஏன் சில ஆண்களிடம் நட்பாகக் கூட பழக தயங்குகிறார்கள்? ஏன் நான் கயவன் எனும் நினைக்கும் ஒரு ஆணிடம் மனதை பறி கொடுக்கிறார்கள்? அது உண்மையில் ஒரு புரியாத புதிர். ஆனால் பெண்களுக்கு எப்படியான ஆண்களை பிடிக்கும் என்பதை மெலிதாய் கோடிட்டு இங்கு காட்ட முடியும...

நண்பர் அருள் ஸ்காட் ஒரு கட்டுரை எழுதி எனக்கு அனுப்பி இருந்தார். காந்தியின் ஆளுமை எப்படி தல்ஸ்தாயின் ரஷ்ய கிறித்துவத்தால் உருக்கொண்டது என அதில் விளக்குகிறார். அக்கட்டுரையின் விவாதம் சுவாரஸ்யமானது. காந்தியை போன்று அக்காலத்தைய அரசியல்/கலை ஆளுமையகள் ஐரோப்பிய கல்வியாய் தாக்கம் பெற்றவர்கள். காந்தி நம் மக்களின் ஆன்மாவோடு அணுக்கமாய் உரையாடினார். ஆனாலும் அவர் ஐரோப்பிய கிறுத்துவத்தின் ஒரு நீட்சி தான். வாழ்க்கை என்றால் நன்மை × தீமை எனும் எதிரிடை என அவர் நம்பினார். தான் நன்மையின் பக்கம் என விடாப்பிடியாய் கருதினார். இந்தியர்களிடம் இப்படியான ஒரு பகுப்பை காண முடியாது. இதை அவர் ஐரோப்பிய பயணம், கல்வி மூலம் பெற்றிருக்க வேண்டும். அவ்விவத்தில் காந்தி ஒரு கிறித்துவ பாதிரி என்பது சரி தான்.