முதன்மை உள்ளடக்கத்திற்குச் செல்

பிடிக்காத ஒருவர் பக்கத்தில் அமர்ந்திருப்பது




பிடிக்காத ஒருவர்
பக்கத்தில்
அமர்ந்திருப்பது
ஒரு சுகந்த மலரை
பறிக்க
மனம் தடுமாறுவதைப் போல.

பிடிக்காத ஒருவர்
வெகுவெகு அருகில்
அமர்ந்திருக்கிறார்
ஒரு விரலை வளைத்தால்
தொட்டு விடலாம்.

இதயம் விம்ம
நினைவுகள் ததும்ப
இனம்புரியா இழப்பும்
தீராத வலியும்.

பிடிக்காத ஒருவரை
இவ்வளவு நேசித்திருக்கிறோமா
என்று வியக்கிறோம்.

பிடிக்காத ஒருவரை
பிடிக்காமல் போன நொடி
பிடித்திருக்கிறது என அறிந்ததற்கு
முன்னா பின்னா.

பிடிக்காத ஒருவரை
பிடிப்பதற்கு
இவ்வளவு பிடிக்காமல் போக
வேண்டியிருக்கிறது.

பிறகு
நாங்கள்
பேச ஆரம்பிக்கிறோம்
அடிக்கடி கைகளை
தொட்டுக் கொண்டு
கண்களால் ஆறுதல்
தெரிவித்தபடி.

அவ்வளவு அமைதியாய்
சின்னதொரு இமைத்துடிப்பு கூட
பிசகாமல்
நேர்த்தியாய் அமைந்த
தெளிவான வாக்கியங்களுடன்.

மீண்டும்
வெகுஅருகில் தான்
இருக்கிறோம்
எங்களிடையேயான
கசப்பு மட்டும்
சற்றும் நிறமற்றதாய்
வாசம் அற்றதாய்
பெயர் அற்றதாய்
எங்களிடையே
அது இருக்கிறது
இரு பறவைகளிடையே
வானம் போல.

அழகான நிதானமான தெளிவான
இவ்வுலகில்
சாத்தியங்கள் எல்லையற்றவை
சுதந்திரமும் முடிவற்றது -
இங்கு
ஒரு இனிமையான பகல்
பிரித்தறிய முடியாமல்
ஒரு மெல்லிய கசப்பை கலந்ததாய்
இருக்கிறது
ஒரு சுகந்தமான
பறிக்க முடியாத
மலரைப் போல்.

கருத்துகள்

பாலா இவ்வாறு கூறியுள்ளார்…
wow
25 ஏப்ரல், 2012 அன்று 2:26 AM
ஆர். அபிலாஷ் இவ்வாறு கூறியுள்ளார்…
நன்றி பாலா
25 ஏப்ரல், 2012 அன்று 8:56 AM
தியாகு இவ்வாறு கூறியுள்ளார்…
உண்மையான
உணர்வுகளுடன் கூடிய
அவதானிப்பு
25 ஏப்ரல், 2012 அன்று 11:57 AM
ஆர். அபிலாஷ் இவ்வாறு கூறியுள்ளார்…
நன்றி தியாகு
28 ஏப்ரல், 2012 அன்று 9:15 AM
கருத்துரையிடுக

இந்த வலைப்பதிவில் உள்ள பிரபலமான இடுகைகள்

கவிதை: பயணப் படிமங்களின் இணைகோட்டு சந்திப்பு

மொழி சங்கேத சொற்களால் ஆனது. இச்சொற்கள் ஒன்றை ஒன்று பிரதிபலிக்கின்றன என்று நமக்கு தெரியும். இந்த சங்கேதக் குறிகளை இணைய வைத்து, மோதவிட்டு கவிதையின் சில சாத்தியங்களை படைப்பாளியால் அடைய முடியும். இத்தகைய செயல்முறைகளில் ஒன்றை தேடிக் கண்டுபிடிப்பது தான் இக்கட்டுரையின் நோக்கம். பள்ளிக் காலத்தில் ஜாலவித்தைக்காரர்கள் வந்து போன பின் அவர்களின் சூட்சுமத்தை கண்டுபிடித்து விட்டதாய் அந்தரங்கமாய் மட்டும் குசுகுசுத்துக் கொள்வோம். அடுத்த முறை வரும் போது மர்மம் விலகாமல் அதிக ஆர்வமுடன் அவரை சூழ்ந்து கொள்வோம். அறிதல் மர்மத்தை அதிகமாக்கும். கொல்லாது. ஒரு கனவை மீட்டெடுப்பதன் நோக்கம் என்னவாக இருக்கும்? கவிதையின் அரூப இயக்கத்தை பொதுவயமாக வடிக்க முயல்வதும் அதற்கே. கோயில் கருவறையின் மென்வெளிச்சத்தில் நுண்பேசியின் படக்கருவியை இயக்கி சாத்தி வைத்து விட்டு இயக்கத்தை அறிவோம். அறிதல் அபச்சாரமில்லை. பயணப் படிமம் என்பது காக்னிடிவ் பொயடிக்ஸ் எனும் சமகால விமர்சனத்தின் ஒரு முக்கிய கருவி. இக்கருவியை மனுஷ்யபுத்திரனின் “காலை வணக்கங்கள்” எனும் ஒரு கவிதையில் சொருகப் போகிறோம். முதலில் கருவியை பழகுவோம். அன்றாட மொழியில் ஒன்று ம...
90 கருத்துகள்
மேலும் வாசிக்க

நினைவில் இருந்து அழிக்கப்பட்ட நாட்களின் தடங்கள்

2010 டிசம்பர் 24-26 வரை சென்னை நவீன மாநகரத்தில் எனக்கு நடந்தவை ஒரு பழங்குடி கிராமத்தில் ஒரு படிப்பறிவற்ற நபருக்கு கூட நடக்க முடியாதவை. எனது விருப்பத்தையும் மீறி எனக்கு தகுந்த சிகிச்சை மறுக்கப்பட்டது; மரணத்தின் விளிம்பு வரை கொண்டு செல்லப்ப்பட்டேன். இரண்டாம் கோமா நிலைக்கு சென்றேன்.
33 கருத்துகள்
மேலும் வாசிக்க

கவனம் திருப்பும் ஆயுதம் - ஹிட்லர், மோடி, விஜய்: ஒற்றுமையும் வேறுபாடும்

  தவெக ஒரு 'ஆட்டத்திருப்பக்' கட்சி அல்ல கவனம் திருப்பும் (distracting) கட்சி எனத் தோன்றுகிறது. ராஜ்தீப் சர்தேசாய் தன் யுடியூப் அலைவரிசையில் மோடியின் ‘திமாகி நக்சல்’ பேச்சுச் சேட்டையைப் பற்றிப் பேசும்போது அது ஒரு திட்டமிடப்பட்ட கவனத் திருப்பல் பேராயுதம் (weapon of mass distraction) என்கிறார். அமெரிக்கா முன்பு சதாம் ஹுசைன் அணுகுண்டு வைத்திருப்பதாகச் சொல்லி இராக் மீது போர் தொடுத்ததைத் தொடர்ந்து பேராபத்து ஆயுதங்கள் குறித்து உலகம் முழுக்க விவாதங்கள் நடந்தன. ஆனால் அவை உண்மையில் அமெரிக்காவின் நோக்கத்தை மறைத்து மக்களின் கவனத்தைத் திருப்புவதற்காக உருவாக்கப்பட்ட பிரச்சாரம் மட்டுமே எனப் பின்னர் தெரிய வந்தது. உலகம் முழுக்க வலதுசாரிகள் இத்தகைய கவனம் திருப்பும் பேராயுதங்களைக் கொண்டே மக்களைக் கட்டுப்படுத்தி தம் வசம் வைத்திருக்கிறார்கள், தமது மோசமான நிர்வாகம் குறித்து விவாதம் எழாமல் பார்த்துக் கொள்கிறார்கள் என்கிறார் சர்தேசாய். அவர் மோடி அண்மையில் தனக்கெதிராக ஜென் ஸீ போராட்டம் தனது நிர்வாகக் கோளாறுகளை முன்வைத்து நடந்தபோது கவனத்தைத் திருப்பும் வண்ணம் கோட்பாட்டுத் தீவிரவாதிகள் பலர் இன்று உள்ளார்...
கருத்துரையிடுக
மேலும் வாசிக்க