ஆர். அபிலாஷின் இணையதளம்

தீபாவளி தள்ளுபடி விற்பனையை ஒட்டி தன்னால் கையாள முடியவில்லை என பிளிப்கார்ட் வாடிக்கையாளர்களிடம் மின்னஞ்சலில் மன்னிப்பு கேட்டது . ஆனால் ஆர்டர் செய்தவர்களுக்கு பொருளை ஒழுங்காக நேரத்தை அனுப்பியது . உண்மையில் அவர்களை விட மோசமாய் சொதப்பியது அமேசான் தான் . தீபாவளியை ஒட்டி வந்த ஏகப்பட்ட ஆர்டர்களை அவர்களால் சரியாக கொரியர் பண்ண முடியவில்லை . அமேசானின் பேஸ்புக் பக்கம் புகார்களால் நிரம்பி வழிகிறது . தீபாவளியினால் பணியாளர்கள் விடுமுறையில் போவதும் ஒரு காரணமாக இருக்கலாம் . ஆனால் அதை விட அமேசானுக்கு தனது கொரியர் நிறுவனம் எப்படி எந்நேரம் பொருட்களை கொண்டு சேர்க்கிறது என்பது பற்றி போதுமான தகவல் இல்லை என்பது தான் சிக்கல் . கொரியர் ஆட்கள் வாடிக்கையாளர்களுக்கு சரியான தகவல் தருவதோ தொடர்பில் இருப்பதோ இல்லை . வாடிக்கையாளர் சேவை தொடர்பாளரை அழைத்தால் உடனே மன்னிப்பு கேட்டு உறுதி அளிப்பார்கள் . தினமும் கூப்பிட்டாலும் இதோ புலி வரும் புலி வரும் என்பார்கள் . ஆனால் வராது .

யுவ புரஸ்கார் விருதை ஒட்டி உயிர் எழுத்து போனதற்கு முந்தின இதழை எனக்கு சிறப்பிதழாக கொண்டு வந்தார்கள். அதில் என் நீண்ட பேட்டி வெளியானது. அப்பேட்டியின் ஒரு பகுதி இது: வணக்கம் அபிலாஷ். விருது பெற்ற மகிழ்ச்சியில் இருக்கும் உங்களுக்கு என் அன்பும் வாழ்த்துகளும். உயிரெழுத்து இதழுக்காக உங்களிடம் சில கேள்விகள். உயிரெழுத்து: நீங்கள் தீவிரமாக எழுதிக்கொண்டிருந்தாலும் , உங்கள் மீது விழுந்த வெளிச்சம் குறைவு. இன்றைக்கு ' யுவ புரஸ்கார் ' விருது மூலம் இந்திய ஒளி உங்கள் மீது படர்ந்துள்ளது. எப்படி உணர்கின்றீர்கள் இத்தருணத்தை ? ஆர்.அபிலாஷ் : வாழ்த்துக்களுக்கு நன்றி. நீங்கள் சொல்வது உண்மை தான். தமிழில் சில எழுத்தாளர்கள் முதல் நூலில் பிரபலமடைந்திருக்கிறார்கள். ஆனால் அவர்கள் மிகச் சிலர் தான். இன்னொரு புறம் இடைநிலை எழுத்தை அல்லது வணிக எழுத்தை சேர்ந்தவர்கள் இலக்கியத்திலும் சினிமாவிலும் ஒருமித்து இயங்கும் போது பிரபலமடைகிறார்கள். இறுதியாக, இன்று நம்மிடையே வெறும் பேஸ்புக், டிவிட்டர் வரிகள் எழுதி ஆயிரக்கணக்கான பாலோயர்களை பெற்று பிரபலம் அடைபவர்களும் இருக்கிறார்கள். நூல் பிரசுரம் கூட தீவிர எழ...

சமீபமாய் ஜெயமோகன் பத்திரிகைகள் பற்றி இவ்வாறு சொல்லி இருக்கிறார்: “பொதுவாக தமிழ் பெரிய இதழ்களின் பிரசுர அரசியலும் சிறிய இதழ்களின் பிரசுர அரசியலும் வெவ்வேறானவை. பெரிய இதழ்களில் நீடிக்கும் கோபம் , காழ்ப்பு என ஏதும் இருப்பதில்லை. எவருக்கும் எந்த அக்கறையும் இருப்பதில்லை, அவ்வளவுதான். நம் இதழாளர்களில் பெரும்பாலானவர்கள் சினிமாவுக்குள் நுழையும் கனவுள்ளவர்கள். எஞ்சியவர்கள் பல்வேறுவகை செய்தித்தொடர்பாளர்கள். இலக்கியம் வாசிப்பு என்றெல்லாம் ஆர்வமுடையவர்கள் சொற்பம்

ஜெயலலிதாவையும் கலைஞரையும் ஒப்பிட்டு ஒரு நண்பர் பேசிக் கொண்டிருந்தார். கலைஞர் ஆட்சிக்கு வந்ததும் சினிமா, கேபிள், சிமிண்ட் என எல்லா கார்ப்பரேட் நிறுவனங்களையும் தனது குடும்பத்தினதாக மாற்றிக் கொள்வார். ஜெயலலிதா கார்ப்பரேட்டுகளுக்கு மறைமுகமாக எதிராக இருக்கிறார். அம்மா தண்ணீர், உணவகம் என்றெல்லாம் கொண்டு வருகிறார் என்றார்.

மூன்று பேர் மீது ஏறிய கார் நேற்று பொதுவாக பொம்மைக்கார் விடுவது போல் சாலையில் கார் ஓட்டிக் கொண்டிருந்தார்கள் . மந்தைவெளி அருகே ஒருவர் குடித்துக் கொண்டு ஒன்வேயில் என்னை இடிக்க வந்தார் . போகிற வழியெங்கும் இப்படித் தான் ஓட்டினார்கள் . நேற்று பொதுவாகவே கார் போக்குவரத்து அதிகம் போல் தோன்றியது . பைக் ஓட்டுபவர்களும் ஏதோ பின்னால் சுனாமி துரத்துவது போல் ஓட்டினார்கள் . ஒரு கட்டத்தில் சாலை ஓரமாய் நிறுத்தி விட்டு ஒன்றும் பண்ணாமல் சாலையை வேடிக்கை பார்த்தேன் .

தமிழ் இலக்கியபரப்பில் இதுவரை மாற்றுத்திறனாளிகள் உலகையும் , அவர்கள் இருப்பையும் , இருப்பிற்கான தத்தளிப்பையும் , அவர்களின் உடல் வலியையும் , வலி சார்ந்த தகவல்களையும் இவ்வளவு நுட்பமாக பதிவு செய்து வந்திருக்கும் நாவல்கள் எதுவும் வந்துள்ளதா என்று தெரியவில்லை . அந்தவகையில் தமிழின் குறிப்பிடத்தக்க நாவலாக அபிலாஷின் கால்கள் நாவலை சொல்லலாம் .

யுவ புரஸ்கார் பரிசு அறிவிக்கப்பட்ட பின் நான் வாரத்துக்கு ரெண்டு கூட்டங்களாவது பேசிக் கொண்டிருந்தேன். சில சமயங்களில் கிருபானந்த வாரியார் போல் ஆக்கி விடுவார்களோ என பயந்தேன். என் அதிர்ஷ்டத்துக்கு பாதி கூட்டங்கள் ஏதாவது ஒரு தீவிரமான விசயத்தை பேசுவதற்கான நல்ல வாய்ப்பாக அமைந்தன. அதற்காக தனியாக கட்டுரைகள் எழுதினேன். ஞாநியின் கேணி கூட்டத்தில் பேசினது கட்டுரையாக இம்மாத அமிர்தாவில் வந்துள்ளது. அதன் பிறகு சென்னை பல்கலையில் பெண் ஆய்வுகள் துறை சார்பில் நடந்த ஒரு கருத்தரங்கில் பேசுவதற்கு தயாரித்த கட்டுரை என் முனைவர் பட்ட ஆய்வின் ஒரு பகுதியாக மாறி உள்ளது.