ஆர். அபிலாஷின் இணையதளம்

  இந்நேரம் ஆசானின் ஓய்வறியாத விரல்கள் இவ்வாறு எழுதிக்கொண்டிருக்கும்... "சுந்தர ராமசாமியின் இல்லத்தில் வைத்துதான் வேங்கடாசலபதியைச் சந்தித்தேன். கெச்சலான இளைஞர். வரலாறு, பண்பாட்டு நகர்வுகள் குறித்த ஆர்வம் கொண்டவர். சுந்தரராமசாமி மீது அபாரமான பற்றுக் கொண்டவர். பாரதியையும் வ.உ.சியையும் ஆய்வுபூர்வமாக விரிவாக தமிழுக்கு அறிமுகப்படுத்தும் துடிப்பு இருந்தது. கல்விப்புல கண்ணோட்டம் கொண்ட கூர்மையான மன அமைப்பு. என்னைப் பார்த்ததும் நீண்ட நேரமாக பல்வேறு கேள்விகளைக் கேட்டுத் துளைத்துக் கொண்டிருந்தார் ... வேங்கடாசலபதி தமிழில் தொடர்ந்து எழுதிக்கொண்டிருந்தாலும் அவரை யாரும் பொருட்படுத்தவில்லை. நானே அவரது எழுத்துக்கான தடத்தை வரைந்தளித்து திசையையும் உருவாக்கினேன். நான் தான் அவரைப் பற்றி பலரிடம் எடுத்துச் சொல்லி பல இடங்களிலும் எழுதி அவருக்கான இடத்தை அமைத்துக்கொடுத்தேன். ... அண்மையில் சாகித்ய அகாடெமியின் விருதுக்குழுவின் இறுதிக் கட்ட பரிசீலனையில் வந்த பெயர்களில் பொருட்படுத்தத்தகாத ஒருவருக்கு விருதைக் கொடுத்த சிலர் தவறான வழியில் முயன்றுகொண்டிருப்பதாக தகவல் வந்தது. தமிழின் முக்கிய விமர்சகரும் படைப்பாளியுமா...

  "நிழல் பொம்மையை" அதன் கரட்டு வடிவத்தில் படித்து தம் நுட்பமான அறிவார்ந்த கருத்துக்களைச் சொல்லிய விமர்சகர் சரவணன் மாணிக்கவாசகத்துக்கும், எழுத்தாளர்கள் தயா ஜிக்கும் பாலுவுக்கும் விஜயலட்சுமிக்கும் எனது மனமார்ந்த நன்றி. வாசக நண்பர் பா. கணேஷ் இந்நாவலைப் படிக்கப்படிக்க வாட்ஸாப்பில் குறிப்புகளாக அனுப்பிக்கொண்டிருந்தார். போனில் விவாதித்தார். நாவலில் முக்கியமான திருத்தங்களை செய்ய உதவினார். அவருக்கு என் அன்பு. விமர்சகர் நா. முருகேச பாண்டியன் இந்நாவலை நுணுக்கமாகப் படித்து செம்மைப்படுத்தித் தந்தார். அவர் இதற்காக செலுத்திய உழைப்பு அபாரமானது. அவரது பங்களிப்பை வணங்குகிறேன். அவர் நாவலைப் படித்து முடித்ததும் என்னைப் போனில் அழைத்து தொடர்ந்து ஒரு மணிநேரமாக உணர்ச்சிகரமாக உரையாடினார். அந்த மாலைப்பொழுதை என்னால் மறக்கவே முடியாது. அவரது சொற்களும் கருத்துக்களும் முக்கியமானவை என்றாலும், அவரால் படித்து முடித்ததும் தன் ஆவலைக் கட்டுப்படுத்த முடியவில்லை என்பதே எனக்குப் பெரும் உவகையை அளித்தது. தஸ்னீம் நசீர் நாவலைக் குறித்த தன் நுட்பமானக் கருத்துக்களைப் பகிர்ந்துகொண்டார். இவர்களுக்கு என் பிரியத்தையும் ஆழம...

  அதுல் சுபாஷ் தனது தற்கொலை வாக்குமூலத்தில் குறிப்பிடும் முக்கிய காரணமொன்று அவர் விவாகரத்து வழக்குக்காகவும் பொய்வழக்குகளை எதிர்கொள்ளவும் ஆண்டுக்கு நாற்பது தடவைகளுக்கு மேல் பெங்களூருவில் இருந்து வட இந்தியாவுக்கு வழக்காடுமன்றத்தில் ஆஜராகப் பயணிக்க வேண்டியிருபது (அவர் கடந்த இரண்டாண்டுகளில் 120 முறைகள் பறக்கவும் ரயிலில் பயணிக்கவும் வேண்டியிருந்ததாக அவரது சகோதரர் சொல்கிறார்.) இதன் செலவு, நெருக்கடி, வேலையிடத்தில் வரும் பிரச்சினைகள், கடுமையான நடைமுறைத் தொந்தரவுகள். இத்தனைக்கும் அவரது மனைவி வழக்காடுமன்றம் உள்ள ஊரில் வாழவில்லை. அவரைத் துன்புறுத்தவேண்டும் என்றே அங்கே வழக்கைத் தாக்கல் செய்திருக்கிறார். எனக்கு இதைப் படிக்கையில் இரண்டாண்டுகளுக்கு முன் நான் எழுதிய பதிவொன்று நினைவுக்கு வந்தது. நான் மாற்றுத்திறனாளி எனத் தெரிந்தும் என்னை மாதாமாதம் அலையவிட்டு இரக்கமின்றி துன்புறுத்தியது இந்த அமைப்பு. அப்பதிவை இங்கு மீள்பிரசுரம் செய்கிறேன்: ஒரு விருப்பம் உலகில் நான் கடுமையாக வெறுக்கக் கூடியது மோசமான வேலையோ, காதல் முறிவோ, வியாதியோ, மரணமோ அல்ல. அது பயணம். ஏனென்றால் என்னிடம் கார் இல்லை. நான் சென்னைக்கோ...

  இம்மாத உயிர்மையில் வந்துள்ள கட்டுரை. நமது நவீன கல்வியமைப்பு ஆண் குழந்தைகளுக்கு எதிராக எப்படி உள்ளது என்பதை விவாதித்திருக்கிறேன்.

  நமது சட்டமும் நீதிமன்றமும் ஆண்களுக்கு எதிராக பாரபட்சமாக எப்படி உள்ளது எனப் பேசியிருக்கிறேன்.

  பிரிவை எதிர்கொள்வதில் ஆண்களுக்கும் பெண்களுக்குமான வித்தியாசங்கள், சட்டம் ஆண்களை விரோதமாகப் பாவிப்பதைப் பற்றிப் பேசியிருக்கிறேன். பார்த்துவிட்டு சொல்லுங்க.

ரோஹித் ஷர்மா திரும்ப வந்ததுமே அனைத்து டெஸ்ட் போட்டிகளையும் நாம் இழப்போம் என நான் எழுதியதுதான் இப்போது நடந்துகொண்டிருக்கிறது - ஏனென்றால் அவர் வந்ததும் இளைஞர்களைத் தூக்கிவிட்டு முதியவர்களுக்குத் திரும்பவும் வாய்ப்பு அளிப்பது, மோசமான களத்தடுப்பு, பந்துவீச்சாளர்களை எதிர்மறையாக வழிநடத்துவது என மீண்டும் மோசமான ஆட்டத்தைக் கொண்டு வந்தார். மேலும் அவருக்கு எதிர்கால இலக்கே இல்லை. நிரூபிக்க ஒன்றுமேயில்லாத அவரைப் போல ஒருவரைத் தலைவராக நீடிக்கவிடுவதே அபத்தமென நினைக்கிறேன். கோலிக்கும் இது பொருந்தும். நாம் கவனிக்காமல் விடும் இன்னொரு பிரச்சினை உண்டு - அது ரோஹித்துக்கும் கம்பீருக்கும் மனச்சேர்க்கை, பொருத்தப்பாடு இல்லை. இலங்கையில் சூர்யகுமார் யாதவின் தலைமையில் இந்திய அணி இலங்கையை டி20 தொடரில் ஓடவிட்டது. ஆனால் ரோஹித் தூக்கக்கலக்கத்துடன் ஒருநாள் அணிக்கு வந்ததும் ஆட்டம் மிகமிக மோசமாகியது. அடுத்து இந்தியாவில் நடந்த டெஸ்ட் தொடர்களிலும் ரோஹித் தட்டுத்தடுமாறிக் கொண்டிருந்தார். நியுசிலாந்த் தொடரில் மிக மட்டமாக தலைமை செய்தும், மட்டையாடியும் தொடரை இழக்கக் காரணமானார். அப்போதே அவரையும் கோலியையும் ஓய்வுபெறும்படி வாரிய...