முதன்மை உள்ளடக்கத்திற்குச் செல்

அம்பேத்கரியத்தை திரித்து வைதீகத்தைக் காப்பாற்றும் கோவை ஞானி



//கோவை ஞானி: ஒவ்வொரு இந்திய உடலுக்குள்ளும் உறைந் திருக்கும் தீண்டாமையின் ஆகிருதியை நமக்கு உணர்த்துகிறார் அம்பேத்கர்.//

கோவை ஞானியின் இந்த வாக்கியத்தில் நாம் கவனிக்க வேண்டியது “இந்திய உடல்”. இதைப் பற்றியே நான் பேசப் போகிறேன்.
அம்பேத்கர் தன் கட்டுரைகளில் எங்குமே “இந்திய உடல்” எனச் சொல்வதில்லை. ‘இந்து’ சமூகம் பற்றியே, இந்து உடல் பற்றியே அதன் நோய்க்கூறான சாதியத்தைப் பற்றியே பேசுகிறார். அவர் கோவை ஞானியைப் போல இந்து என்றால் இந்தியா எனும் மையப்படுத்தலையும் ஏற்கவில்லை. இதற்கு ஒரு காரணம் உள்ளது:
 அம்பேத்கர் இங்குள்ள பூர்வகுடிகள் பௌத்தர்கள், வைதீக எதிரிகள் என Who Were the Shudras? நூலில் பேசுகிறார். வைதீக இந்துக்கள் பௌத்தத்தை முறியடித்த பின்னர் அவர்களை ஊரின் எல்லைக்கு வெளியே தங்க வைத்து, தாம் ஒரு காலத்தில் புசித்த மாட்டிறைச்சியை அவர்களை சாப்பிடச் செய்து அதைக் கொண்டே அவர்களை தீண்டத்தகாதவர்கள் ஆக்கினார்கள் என்கிறார் அம்பேத்கர். அப்படி வைதீக இந்துக்களே இங்கு சாதிய அமைப்பை உண்டு பண்ணினார்கள் என்கிறார். பிராமணர்களுக்கு தலித்துகளிடத்தும், தலித்துகளுக்கு பிராமணர்களிடத்தும் பல ஆயிரம் ஆண்டு பகை, அதனாலே அந்த சமூகம் மட்டுமே பிராமணர்களை தம் சடங்குகளில் பங்கேற்க அழைப்பதில்லை என்கிறார் (நிலைமை இங்கு மாறி விட்டது). இதன் விளைவாகவே கடுமையான பௌத்த வெறுப்பு சமிஸ்கிருத நாடகங்களில் காணப்படுகிறது என ஆதாரங்களைத் தருகிறார். இந்த மத வெறுப்பே இன்றுள்ள கொடுமையான சாதிய அடுக்குமுறைக்கு காரணமாகியது என்கிறார். அதாவது அம்பேத்கர் சாதியத்தை வைதீகம்-பிராமணீயம்-பௌத்த வெறுப்பு-சாதிய வெறுப்பு-தீண்டாமை என பகுத்து கொள்கிறார். 
 இயல்பாகவே நமது ஞானி ஐயா வைதீக மதத்தின் மீதான இந்த தாக்குதலை ஏற்க விரும்பவில்லை. ஆகையால் அவர் அம்பேத்கரின் சொற்களைத் திரித்து, தீண்டாமை வெறி உறைந்துள்ளது இந்து உடலில் அல்ல “இந்திய உடல்” என சாமர்த்தியமாய் உருமாற்றுகிறார். இப்படிக் கூறுவதன் மூலம் அவர் குற்றச்சாட்டுகளில் இருந்து இந்து மதத்தை, வைதீகத்தை தப்பித்துப் போக வழி செய்கிறார்.
குறிப்பு: இந்த மென் இந்துத்துவாவைத் தான் நான் சாடுகிறேன். எனக்கு மற்றபடி தனிமனிதர்களிடத்து எந்த வெறுப்பும் இல்லை. தனிமனிதர்களை காவடி எடுக்கும் செண்டிமெண்டுகள் மீது மதிப்பும் இல்லை. 

(“இந்தியாவின் மகத்தான இடதுசாரிகள் காந்தி, பெரியார், அம்பேத்கர்: கோவை ஞானி பேட்டி”, writersamas.blogspot.com)

கருத்துகள்

பெயரில்லா இவ்வாறு கூறியுள்ளார்…
Already told....I'm not able to see posts in mobile in 5his template...but it is clearly seen in computer...in phone only half part of every post only is shown.mஇதற்கு முந்தைய templettaiai போடவும்...

இந்த வலைப்பதிவில் உள்ள பிரபலமான இடுகைகள்

இன்று அவளது ஐம்பதாவது திருமண நாளாக இருக்க வேண்டும் (ஆன் கார்ஸன் கவிதைகள் 3)

  ரொமானிய சுவரை நோக்கி உரையாற்றுகிறது குளிர் - ஆன் கார்ஸன் - தமிழில் ஆர். அபிலாஷ் ஒளி மட்டற்று ( சிறைப்படுத்தப்பட்டது ) மேலும் , நிழல்கள் விழக் காத்திருக்கின்றன தலைமறைப்புகளைப் போல . மூளை தட்டுகிறது இருமுறைகள் உப்புக்காக .   WOULD BE HER 50TH WEDDING ANNIVERSARY TODAY Cold orates upon a Roman wall. Light is extreme (caught) and shadows wait like hoods to drop. Brain taps twice for salt. Was it Ovid who said, There is so much wind here stones go blank. (Excerpt From Decreation, Anne Carson) வாசகக் குறிப்பு : இதுவும் ஒரு கீறல் ஓவியம் போன்ற கவிதைதான் . விளக்கக் குறிப்புகளோ விவரணைகளோ இல்லை . கதையாடல் கவிதையென்றாலும் யார் , என்ன , எப்படி , ஏன் ஆகிய தகவல்களை நாமே அனுமானிக்க வேண்டும் . இப்போது ஒவ்வொரு சொல்லும் ஒரு உருவகமாகிறது ( ஏனெனில் தலைப்பில் உள்ள திருமண பந்தம் குறித்த விபரம் இதைக் குறியீடாக்காமல் தடுக்கிறது ). ஐம்பதாவது திருமண நாளெனில் அவருக்கு வயது 70 இருக்குமா ? அவர் ரொமானிய வரலாற்றுச் சின்னங்களைக் காண வந்...

தமிழ்நாடு ஏன் க்யானேஷ் குமாருக்கு எதிராகப் பொங்குவதில்லை?

  சினிமா போதையின் பிரச்சினைகளைப் பற்றி தமிழ்நாட்டு எழுத்தாளர்களே தொடர்ந்து அழுது புலம்பி சபித்து சமாதானமாகி இருக்கிறார்கள் இதுவரை. ஆனால் இப்போது முதன்முறையாக வெகுமக்கள் இடையில் சினிமா வெறியர்கள் அரசியல்மயமாவதற்கு எதிர்ப்பு வந்திருக்கிறது. குறிப்பாக 40-70 வயதுக்கு உட்பட்டோர் பேசுவதைக் கேட்டால் புரியும். அரசியல் நோக்கர்களும் இதனால் கசப்படைகிறார்கள். தமிழ்நாட்டினர் எப்படி மூளைச்சலவை செய்யப்பட்டனர் என திருப்பூர் குணாவும், ஜீவாவும், ஆர்.கே. சண்முகவேலும் சேர்ந்து ஒரு புத்தகமே எழுதியிருக்கிறார்கள் ("டிஜிட்டல் போதையில் நாம் யாரையும் தேர்ந்தெடுக்கவில்லை"). அவர்கள் சமூகவலைதளச் செயல்பாடுகளும் தரவுப் பகுப்பாய்வுத் தொழில்நுட்பமும் விஜய்யின் வெற்றிக்கு எப்படிப் பயன்பெற்றன என்றே பிரதானமாகப் பேசினாலும் விஜய்யின் சினிமாப் புகழ் அவரை வைத்து நடந்த டிஜிட்டல் பிரச்சாரத்துக்கு அடிப்படை என்பதை அவர்கள் மறுக்கவில்லை. கடந்த தேர்தலின் போதிருந்தே 'தற்குறி' எனும் சொல் இதற்கென மக்களால் பரவலாகப் பயன்படுத்தப்படுவதையும் பார்க்கிறோம். 'தற்குறி' சினிமா ரசிக மனநிலை, சினிமா மந்தைத்தனம் ஆகியவற்றை...

கவிதை: பயணப் படிமங்களின் இணைகோட்டு சந்திப்பு

மொழி சங்கேத சொற்களால் ஆனது. இச்சொற்கள் ஒன்றை ஒன்று பிரதிபலிக்கின்றன என்று நமக்கு தெரியும். இந்த சங்கேதக் குறிகளை இணைய வைத்து, மோதவிட்டு கவிதையின் சில சாத்தியங்களை படைப்பாளியால் அடைய முடியும். இத்தகைய செயல்முறைகளில் ஒன்றை தேடிக் கண்டுபிடிப்பது தான் இக்கட்டுரையின் நோக்கம். பள்ளிக் காலத்தில் ஜாலவித்தைக்காரர்கள் வந்து போன பின் அவர்களின் சூட்சுமத்தை கண்டுபிடித்து விட்டதாய் அந்தரங்கமாய் மட்டும் குசுகுசுத்துக் கொள்வோம். அடுத்த முறை வரும் போது மர்மம் விலகாமல் அதிக ஆர்வமுடன் அவரை சூழ்ந்து கொள்வோம். அறிதல் மர்மத்தை அதிகமாக்கும். கொல்லாது. ஒரு கனவை மீட்டெடுப்பதன் நோக்கம் என்னவாக இருக்கும்? கவிதையின் அரூப இயக்கத்தை பொதுவயமாக வடிக்க முயல்வதும் அதற்கே. கோயில் கருவறையின் மென்வெளிச்சத்தில் நுண்பேசியின் படக்கருவியை இயக்கி சாத்தி வைத்து விட்டு இயக்கத்தை அறிவோம். அறிதல் அபச்சாரமில்லை. பயணப் படிமம் என்பது காக்னிடிவ் பொயடிக்ஸ் எனும் சமகால விமர்சனத்தின் ஒரு முக்கிய கருவி. இக்கருவியை மனுஷ்யபுத்திரனின் “காலை வணக்கங்கள்” எனும் ஒரு கவிதையில் சொருகப் போகிறோம். முதலில் கருவியை பழகுவோம். அன்றாட மொழியில் ஒன்று ம...