நாடகம் ஆரம்பம்!

 

சரியாக இடைத்தேர்தலுக்கு முன் மத்தியப் குற்றப்பிரிவு போலிசார் ரெய்டு செய்கிறார்கள் எனில் இது ஏற்கனவே திட்டமிட்டது எனத் தெரிகிறது - அதாவது தவெக அரசின் நிர்வாகப் போதாமை, ஊழல் புகார்கள், வாக்குறுதிகளை நிறைவேற்றாமை, மின்தட்டு, மின்கட்டண உயர்வு எனப் பல பிரச்சினைகளால் மக்கள் கோபத்தில் இருக்கிறார்கள். இடைத்தேர்தலில் தம் சாதனைகளைச் சொல்லி தவெகவால் பிரச்சாரம் பண்ண இயலாது. ஒரே வழி கவனம் திருப்பி உணர்ச்சிகளைத் தூண்டி பிரச்சாரம் பண்ணுவது. இடைத்தேர்தலில் தவெக முழுக்க முழுக்க திமுகவின் ஊழல் புகார்களைப் பற்றியே பேசப் போகிறது. தன்னுடையது ஊழலற்ற ஆட்சி, திமுக ஊழல் ஆட்சி செய்தது என விஜய் கத்தி ஆர்ப்பாட்டம் பண்ணப் போகிறார். எப்படியும் வழக்கில் ஆதாரம் இல்லையென அன்பில் மகேஸை விடுதலை பண்ணுவார்கள். அப்போது இன்னொரு வழக்கை திமுக மீது இவர்களோ மத்திய அரசை வைத்தோ பதிவு பண்ணுவார்கள். அதுவும் பின்னர் நீதிமன்றத்தால் கேள்விக்குள்ளாக்கப்படும்.

இப்படியே ஐந்தாண்டுகளை ஓட்டுவார்கள்.

ஒன்றிய அரசு இவர்களுக்குச் செய்யும் உதவிகளைப் பார்க்கையில் எந்தரங்கள் இடைத்தேர்தலிலும் வாக்குகளை தவெகவுக்கு அள்ளி வழங்குமெனத் தெரிகிறது. அதே நேரம் பாஜக இன்னொரு பக்கம் தவெக அரசை விமர்சித்து கலாய்த்து டுரோல் பண்ணிக் கொண்டும் இருக்கிறார்கள். அவர்களுடைய மாநிலத் தலைவர் விஜய்யை மானவாரியாக அவமதிக்கிறார். ஆனால் தவெக அதற்கு பதிலே அளிப்பதில்லை. தவெகவை இப்படி ஒரு பக்கம் அடித்துக் கொண்டும் இன்னொரு பக்கம் ஆதரித்துக் கொண்டும் அவர்களைக் கொண்டு திமுகவை பலவீனப்படுத்திவிட்டு அடுத்து தவெக vs பாஜக எனத் தேர்தல் கதையாடலை உருவாக்கி கடைசியில் விஜய் எனும் பொம்மையைத் தரையில் போட்டு உடைப்பார்கள்.

இம்முறை எந்திரங்களும் ஒரு பக்கம் வாக்களிக்கும் என்பதால், மக்கள் ஒருசேர கடுங்கோபத்தில் நிராகரித்தால் ஒழிய இடைத்தேர்தலில் தவெகவை முறியடிப்பது கடினமானது.