தவெக சில புதிய முதலீட்டிய சக்திகளால் ஆட்சிக்குக் கொண்டு வரப்பட்டது, ஆட்டுவிக்கப்படுகிறது என இடதுசாரிகள் சொல்வதை யாரும் மறுக்கவில்லை. ஆனால் பல்லாயிரம் கோடிகள் நிதியும் ஊடக ஆதரவும் மட்டுமே ஒரு கட்சியை சட்டென ஆட்சிக்குக் கொண்டு வராது. அதுவும் முழுமையான மக்கள் ஆதரவு இல்லாத, பெரும்பான்மை மக்களின் வாக்குகளை வெல்லாத ஒரு கட்சியை முதலாளிகளால் மட்டுமே வெல்ல வைக்க முடியாது. அங்குதான் தேர்தல் ஆணையர் க்யானேஷ் குமார் உள்ளே வருகிறார். அவரது தேர்தலில் சிறப்புத் தீவிர திருத்தம் எனும் வாக்குத் திருட்டும்தான் தவெக வெல்ல உதவியது. மிக அதிகமாக வாக்காளர்கள் நீக்கப்பட்ட 20க்கும் மேற்பட்ட தொகுதிகளில் தவெக வென்றுள்ளதை ஹிந்து நாளிதழ் சுட்டிக் காட்டியுள்ளது. இது போக தவெக வென்ற சில தொகுதிகளில் வாக்கு எந்திரங்கள் சரியாக வேலை செய்யாதது நிரூபிக்கப்பட்டுள்ளது. இதை தேர்தல் ஆணையம் மறுக்கவும் இல்லை. முக்கியமாக, இது தற்செயலாக நடந்ததல்ல. அதாவது இந்த வாக்காளர் நீக்க மோசடி நிகழாதபட்சத்தில் தவெக உச்சபட்சமாக 50-80 இடங்களைக் கடந்திருக்காது. திமுகவும் அதிமுகவும் அழிக்கப்பட வேண்டும் என க்யானேஷ் குமார் விரும்பியுள்ளார். அதனாலே அவர் மக்களின் விருப்பத்தையும் மீறி ஒரு கட்சியை முறைகேடாக ஆட்சியில் அமர்த்துகிறார். க்யானேஷ் குமார் மோடியின் கையாள். இதை இன்று இந்தியா முழுக்கப் பேசுகிறது. ஆனால் 'தமிழ்நாட்டு அறிவாளிகள்' மட்டுமே தேர்தல் ஆணையத்தைப் பிடிவாதமாக நம்புகிறார்கள். வரும் நாட்களில் இடதுசாரிக் கட்சிகளே இதை நேரடியாகப் பேசி போராட்டத்திற்கு வருவார்கள். நாம் இதை வருங்காலத்தில் மறுக்கவே முடியாது. திருட்டு அம்பலமாகிவிட்டது. அதற்கு சாட்சியமே இன்று நாடு முழுக்கப் பரவி வரும் போராட்டங்கள்.
தவெக பாஜகவின் கருவி என்பதற்கு க்யானேஷ் குமாரையும் வாக்காளர் நீக்க முறைகேட்டையும் தவிர வேறென்ன ஆதாரம் வேண்டும்?
பின்குறிப்பு: இப்போதைக்கு இந்த மோசடியை க்யானேஷ் எப்படியெல்லாம் நடைமுறைப்படுத்தினார், அவரது இலக்குகளாக யாரெல்லாம் இருந்தார்கள், இருக்கிறார்கள் என்பது முழுமையாகத் தெரியாது. அதனாலே கேரளாவில் ஏன் பாஜக வெல்லவில்லை என்பதான 'புத்திசாலித்தனமான' கேள்விகளைத் தவிர்க்கவும். அவர்கள் தேர்ந்தெடுத்து சிலரை வெல்ல அனுமதித்திருக்கிறார்கள், சிலரை முறியடித்திருக்கிறார்கள் என்பதை மட்டுமே இப்போதைக்குச் சொல்ல முடியும்.
தவெக பாஜகவின் கருவி என்பதற்கு க்யானேஷ் குமாரையும் வாக்காளர் நீக்க முறைகேட்டையும் தவிர வேறென்ன ஆதாரம் வேண்டும்?
பின்குறிப்பு: இப்போதைக்கு இந்த மோசடியை க்யானேஷ் எப்படியெல்லாம் நடைமுறைப்படுத்தினார், அவரது இலக்குகளாக யாரெல்லாம் இருந்தார்கள், இருக்கிறார்கள் என்பது முழுமையாகத் தெரியாது. அதனாலே கேரளாவில் ஏன் பாஜக வெல்லவில்லை என்பதான 'புத்திசாலித்தனமான' கேள்விகளைத் தவிர்க்கவும். அவர்கள் தேர்ந்தெடுத்து சிலரை வெல்ல அனுமதித்திருக்கிறார்கள், சிலரை முறியடித்திருக்கிறார்கள் என்பதை மட்டுமே இப்போதைக்குச் சொல்ல முடியும்.
கருத்துகள்