ஆர். அபிலாஷின் இணையதளம்

6) காதல் எப்போதும் முரண்களுக்குள் வாழ்கிறது - நிதானமாய் கச்சிதமாய் கராறாய் பகுத்தறிவுடன் நேர்த்தியாய் இருப்பவர்களுக்கானது அல்ல காதல் . அது ஒரு பொய்யான குமாஸ்தாத்தனமான ஆண் - பெண் உறவை மட்டுமே உருவாக்கும் . நீ எனக்குத் தேவையானதைக் கொடு , நான் உனக்குத் தேவையானதை திரும்பத் தருகிறேன் என்பது ஒப்பந்தம் , ஒருவித விபச்சாரம் . ‘ நீ உனக்குத் தேவையானதைக் கேள் , ஆனால் நான் அதைத் தர மாட்டேன் , எனக்குத் தர ஆசை என்பதாலே தர மாட்டேன் , நீ கேட்டு வாங்கிக் கொள்ளேன் ’ என சீண்டுவதே காதல் . ஒன்றைக் கொடுத்து விட்டால் அங்கு காதல் முடிந்து போகிறது , அதை கொடுத்தும் கொடுக்காமல் மீதம் வைப்பதே காதலை தக்க வைக்கிறது .   ஒன்றை சொல்லி விட்டு அதற்கு மாறாக நடந்து கொள்ளாதீர்கள் . அது உங்கள் மீதான நம்பிக்கையை குலைக்கும் . ஆனால் ஒன்றை சொல்லி விட்டு அதற்கு மாறாக மற்றொன்றை சொல்லுங்கள் . இந்த இரண்டுக்கும் இடையில் ஊசலாடுவதே உங்களுடைய உண்மை எனப் புரிய வையுங்கள் . காதலில் செல்லுபடியாகும் ஒரே உண்மை தன் வாலை தானே வளைந்து தின்னும் ப...

எச்சரிக்கை : இது ஆண்களுக்கான கட்டுரை ! காதலிப்பவர்களுக்கு இத்தகைய சேதிகளையெல்லாம் படிக்க நேரமிருக்காது எனத் தெரிந்தே தான் இதை எழுகிறேன் :  1) இது மிக முக்கியமானது என்பதாலே முதலில் சொல்கிறேன் - அழகிகளை ரசியுங்கள் , ஆனால் காதலிக்காதீர்கள் . காதலுக்கு முதன்மையான விரோதி அழகு தான் . ஏனென்றால் அழகு ஒரு சமநிலையின்மையை ஏற்படுத்தி உங்களை நேசத்துக்காக பிச்சையெடுக்க வைக்கும் . பிச்சைக்காரர்கள் ஒருநாளும் காதலர்கள் ஆக முடியாது .   அடுத்து , அவளது அழகிய தோற்றம் அவளை அறிய விடாமல் உங்களைத் தடுக்கும் , அவளுக்கு அகந்தையை அளிக்கும் , அந்த அகந்தையை நீங்கள் சதா கெஞ்சியும் கொஞ்சியும் பலமடங்காக பெருக்குவீர்கள் . இப்போது அப்பெண் உங்களை நேசிக்காமல் நீங்கள் நேசிக்கும் தன்னை நேசிக்கத் தொடங்குவாள் . பிறகு உங்கள் காதலை யாருமே காப்பாற்ற முடியாது . Dialogues நூலில் சாக்ரடீஸ் ஒரு இளைஞருக்கு அளிக்கும் அடிப்படையான அறிவுரை நீ யாரைக் காதலிக்கிறாயோ அவரை ஒருபோதும் மிதமிஞ்சி புகழாதே என்பது . ஆனால் இதெல்லாம் சொல்ல எளிது ...

பொதுவாக நாம் மலையாளப் படங்களின் புதுமையான எதார்த்தமான கதைகளை வியப்பது வழமை . அதற்கு ஏற்றாற் போல தமிழில் கற்பனையே பண்ண முடியாத வித்தியாசமான எண்ணற்ற படங்களை மலையாளத்தில் ரொம்ப குறைவான பட்ஜட்டில் எடுத்திருக்கிறார்கள் . பாசில் , பரதன் போன்றவர்கள் மலையாளக்கரை தாண்டி இங்கே வந்து வெற்றிப்படங்களை ( அல்லது நல்ல படங்களைத் ) தந்திருக்கிறார்கள் . ஆனால் மலையாள மண்ணில் தமிழ் சினிமாவுக்கே உரித்தான குடும்ப செண்டிமெண்டுகளுடன் கடந்த முப்பது வருடங்களாக ஒருவர் படமெடுத்து வருகிறார் - சத்யன் அந்திக்காடு .   மலையாளப் படங்களைப் பார்க்க விரும்பும் தமிழ் நண்பர்கள் / தோழிகளுக்கு நான் உடனடியாய் பரிந்துரைப்பது சத்யன் அந்திக்காடின் படங்களையே . ஏனென்றால் நமது விசு அல்லது விக்கிரமன் போன்றவர்கள் தெரியாமல் மலையாளத்துக்கு சென்று சற்று நேர்த்தியாக தெளிவாக படமெடுத்தது போல இருக்கும் அவரது பல படங்கள் . குறிப்பாக “ மனசினக்கரே ”, “ வீண்டும் சில வீட்டு காரியங்கள் ”, “ தலையண மந்திரம் ”, “ அச்சுவிண்டே அம்மா ”, “ கத துடருந்நு ” போன்ற ...

இரண்டு வகையான உரைநடை உண்டு - (1) நேராக சொல்ல வந்ததை சொல்லி விட்டு மளிகைக் கடையில் பொட்டலம் கட்டுகிறவரைப் போல அடுத்த விசாரிப்புக்கு நகர்ந்து விடுவது ; (2) செறிவான கவித்துவமான எழுத்து ; மொழிவிளையாட்டுகள் நிறைந்த நடை . இது இரண்டு சொற்களுக்கு நடுவே சின்னச் சின்ன நுணுக்கங்கள் வழி நிறைய விசயங்களைக் கடத்தி விடுவது . என்னைப் பொறுத்தமட்டில் இந்த வகை உரைநடையே அரிதானது ஆனால் ரசிக்கத்தக்கது . திரும்பத் திரும்ப வாசித்து மனத்தில் ஊறப் போட்டு புதிய அர்த்தங்களை விளங்கிக் கொள்ளத் தக்கது .   தமிழில் எனக்கு உடனடியாக நினைவுக்கு வருவது லா . ச . ராவின் நடை . கதையைக் காட்டிலும் கதைகூறும் விதத்தில் பல புதிய கதைகளை அவர் நமக்கு உணர்த்துவார் ; ஒருவித கொதிக்கும் எரிமலைக்குழம்பு போன்ற நடை . அதன் அருகில் வரும் போதே நம்மை சுட்டுப் பொசுக்கி விடுமோ என அஞ்சுவோம் . ஆனால் சில்லென்ற இணக்கம் கொண்டதாக , மலரின் மென்மை கொண்டதாக அது மறுநொடி மாறி விடும் . 

என்னுடன் பணிபுரியும் ஒரு கவிஞரிடம் தொடர்ந்து நாவல் எழுதும் போது ஏற்படும் ஒரு மனக்குழப்பதைப் பற்றி பேசிக் கொண்டிருந்தேன் . நாவலில் வரும் பாத்திரங்களின் கடுமையான அகப்பிரச்சனைகள் , குழப்பங்கள் , தவறான முடிவுகள் , அதன் அவலங்கள் அவற்றை எழுதும் போது அப்படைப்பாளியைத் தீண்டுவதில்லை . எழுதும் போது ஒரு கண்ணீர் மல்கிய உரையாடலோ பதற்றமாக்கும் விவரணையோ நாவலாசிரியனுக்கு இன்பமான கிளர்ச்சியையே அளிக்கிறது . ஆனால் அன்றைக்கான எழுத்தை முடித்து விட்டு அவன் தன் அன்றாட வாழ்வுக்கு மீளும் போது மனத்தில் ஒரு இருள் வந்து கவிகிறது .

ஒரு பாய் பெஸ்டிக்கு வேண்டிய முதல் தகுதி பொறுமை . நிதானமாக நீண்ட நேரம் செவிமடுக்கும் திறன் வேண்டும் . என்னால் குறுக்கிடாமல் மதிப்பிடாமல் பெண்கள் பேசுவதை கேட்டிருக்க முடியும் என்பதாலே பதின்வயதில் இருந்தே நான் ஒரு நல்ல பெஸ்டியாக பெண்களுக்கு இருந்திருக்கிறேன் . என்னுடைய தனிமை நாட்டம் காரணமாய் நான் தொடர்ந்து எல்லாரிடமும் உறவைப் பேண முயன்றதில்லை என்பதால் நான் இந்த பெண்கள் பட்டியலை வளர விட்டதில்லை . இருந்தாலும் பாய் பெஸ்டிகள் சார்பில் பேசும் தகுதி எனக்கு உண்டென்றே நம்புகிறேன் .

அண்மைக் காலங்களில் உ . பி முதல்வர் யோகி ஆதித்யநாத் அரசுக்கு எதிராக போராடுபவர்கள் மற்றும் இஸ்லாமியர் மீது கடுஞ்சொற்களை ஏவுவதை , வன்முறை கொப்புளிக்கும் திராவகப் பேச்சுகளை வீசுவதைப் பார்க்கிறோம் . சி . எ . ஏவுக்கு எதிரான போராட்டங்களில் கலந்து கொண்ட மக்களும் பெருமளவில் சுடப்பட்டதும் மோசமாய் தாக்கப்பட்டதும் கூட அவர் ஆளும் மாநிலத்தில் தான் . தேர்தல் பிரச்சாரத்தில் 48 வினாடிகள் அவர் பேசினால் அதில் 9 தடவை பாகிஸ்தான் எனும் சொல்லை குறிப்பிடுகிறார் என்கிறார்கள் . 2005 இல் அவர் 1800 கிறித்துவர்களை இந்து மதத்துக்கு மாற்றினார் என்பது குறிப்பிடத்தக்கது . 2014 இல் அஸாம்கர்ஹில் பேசும் போது “ அவர்கள் ஒரு இந்துப்பெண்ணை கவர்ந்தால் நாம் 100 இஸ்லாமியப் பெண்களைக் கவர்வோம் . அவர்கள் ஒரு இந்துவைக் கொன்றால் நாம் நூறு இஸ்லாமியரைக் கொல்வோம் ‘ என்றார் . உடனே கேட்டு நின்ற கூட்டம் “ கொல்லுவோம் கொல்லுவோம் ” என உரக்கக் கத்தியது . 2014 இல் அவர் பேசும் போது கௌரி , கணேஷ் மற்றும் நந்தியின் சிலைகளை ஒவ்வொரு மசூதியிலும் நிறுவுவோம் என...