ஆர். அபிலாஷின் இணையதளம்

சவுக்கு சங்கரின் “உளவு-ஊழல்-அரசியல்” நூலின் ஆக சுவாரஸ்யமான பகுதி அவரது சிறை அனுபவங்கள்தாம்; முதலில் சிறைச்சூழல் அவரை அச்சுறுத்துகிறது; பின்னர் போகப் போக அங்குள்ள மனிதர்கள் மற்றும் உணவு உள்ளிட்ட நடைமுறைகளுடன் இணங்கிப் போகிறார்; எவ்வளவு வெகுளியான அன்பான, அதே நேரம் குரூரமான, மனிதர்கள் அந்த புழல் சிறைக்குள்ளே. ஆனால் வெளியே உள்ள மனிதர்களின் ஏமாற்றுத்தன்மை இவர்களிடம் இல்லை. நாம் பேசும் ஒரு சிறிய பொய்யை மறைக்கக் கூட ஆயிரம் கதைகளைப் புனைவோம். ஆனால் இந்த கைதிகள் தம் குற்றங்களைப் பற்றி அவ்வளவு வெளிப்படையாகப் பேசுகிறார்களே என வியந்தேன். நல்லவன்-கெட்டவன் எனும் இருமை இல்லாத அந்த வெளி சுலபத்தில் உங்களை பரிசுத்தமாக்கி விடுகிறது. காலை ஐந்தரைக்குத் தேநீர், அடுத்த இரு மணிநேரங்களில் காலை உணவு (பொங்கல்), அதன் பிறகு செய்தித்தாள் (தந்தி) / வார இதழ்கள் (விகடன், குமுதம்), சக-கைதிகளுடன் அரட்டை, மதிய உணவு, மாலை ஐந்தரைக்கு இரவுணவு, வாரம் ஒருமுறை சிக்கன் என வசதியாகத் தான் இருக்கிறது. (நடுவே சில இலக்கிய உரைகளை நுழைத்தால் விஷ்ணுபுரம் இலக்கிய விழா தோன்றி விடும்.)

மோடி தனக்கு முந்தைய பிரமர்களிடம் இருந்து நிறைய விதங்களில் வித்தியாசமானவர் - குறிப்பாக நேர விசயத்தில் . மற்ற பிரதமர்கள் கட்சி , அரசியல் , நிர்வாகம் என அம்மாஞ்சியாய் இருந்தால் மோடி ஊடகங்களில் தன்னுடைய் பிம்பம் எப்படி இருக்கிறது , மக்கள் மனங்களில் தன்னைப் பற்றியே சிந்தனையே சதா இருக்க வேண்டும் என யோசித்து அதன்படி மட்டுமே தன் அரசியல் , நிர்வாகம் , பேச்சு , நடை , உடை , பாவனைகளை வடிவமைப்பவர் . நம் வரலாற்றில் அவரளவுக்கு டி . வி , சமூகவலைதளங்களுக்காக வாழும் மற்றொரு பிரதமர் இல்லை . நாம் என்னவாக இருக்கிறோம் என்பதல்ல , என்னவாகத் “ தெரிகிறோம் ” என்பதே ஆட்சியில் முக்கியம் என அவரளவுக்குப் புரிந்து கொண்ட மற்றொரு பிரதமர் இல்லை .

(21 நாள் கொரோனா ஊரடங்கு நீடிக்கப்படப் போவதாய் செய்தி வந்ததை ஒட்டி எழுதபட்டது .) இன்னும் சில தினங்களில் கொரோனா கொண்டான் கோப்பரகேசரி மோடிஜி அவர்கள் தான் ஒரு குறிப்பிட்ட தினத்தில் குறிப்பிட்ட நேரத்தில் அறிவிப்பொன்றை செய்ய இருப்பதாக ஒரு அறிவிப்பை செய்வார் . இம்முறை நாம் பதற வேண்டியதில்லை - லாக்டவுனை தான் நீட்டிக்க போவதாகத் தான் தலைவர் சொல்லப் போகிறார் . அது மேலும் இரு வாரங்களா அல்லது ஒரு மாதமா என்கிற எண்ணிக்கையில் தான் வித்தியாசம் இருக்கும் . அதற்கு முன்பு தனது விண்ணப்பங்களை ஏற்று கொரோனாவை பாதி முறியடித்து விட்ட நாட்டு மக்களை தான் சிரம் தாழ்ந்து வணங்குவதறாக கண்கலங்குவார் . மீதி பாதி கொரோனாவைக் கைப்பற்றி வெற்றிக்கொடி நாட்ட நாம் ஜனங்கள் படைவீரர்களாக தன்னுடன் அணிவகுக்க வேண்டும் என மேலும் குரல் தழுதழுக்க சொல்வார் . உடனே நாமும் கண்கலங்குவோம் . ( நடிகண்டா !) 

விடுமுறை வாசிப்புக் குறிப்புகள் - 2 பா . ராவின்  “ இறவான் ” “ இறவான் ” இந்த ஊரடங்கு தினங்களில் நான் வாசித்த மற்றொரு நாவல் . நிச்சயம் குறிப்பிடத்தக்கது . சில நாவல்களை துவக்கம் முதலே ஒரு ஆச்சரியத்துடன் படிப்போம் - “ இறவான் ” அப்படியான ஒன்று . ஏனென்றால் தமிழில் இப்படியொரு கதையை இதற்கு முன்பு படித்ததாய் எவ்வளவு யோசித்தும் நினைவுக்கு வரவில்லை . ஆங்கிலத்தில் சாமர்செட் மாமின் Moon and the Six Pence நிச்சயம் நினைவுக்கு வந்தது . ஆனால் அது கூட - ஓவியத்தின் பாலுள்ள மிதமிஞ்சிய ஆர்வத்தால் தூய இயற்கை நிலைக்கு மீண்டு பிறகு மெல்ல மெல்ல அழியும் ஒரு ஓவியனின் கதை என்னும் அளவில் - “ இறவானுக்கு ” தொலைதூர சொந்தம் மட்டுமே . இந்த தனித்துவத்துக்காகவே இந்நாவலுக்கு என்றும் தமிழில் ஒரு இடம் இருக்கும் .

கொரோனா காலத்தில் அரசின் செலவுகளைக் குறைத்து மக்கள் நலனுக்கு செலவு செய்வதற்கு சோனியா காந்தி ஐந்து பரிந்துரைகளை பிரமர் மோடிக்கு எழுதிய கடிதத்தில் தந்துள்ளார் . அவை முக்கியமானவை . இக்கடிதத்தில் உறைந்திருக்கும் அரசியலையும் ரசித்தேன் . குறிப்பாய் இரண்டாவது பரிந்துரையான ஊடகங்களுக்கு அரசு விளம்பரங்களைத் தடை செய்வது . அரசு வருடாவருடம் 1250 கோடி பணத்தை ஊடகங்களில் விளம்பரம் செய்ய பயன்படுத்துகிறது . இந்த பணத்தைக் கொண்டே அரசு கிட்டத்தட்ட அனைத்து டி . வி , பத்திரிகைகளையும் தனது செல்ல நாய்க்குட்டிகளைப் போல நடத்துகிறது . அரசை எந்த சேனலாவது விமர்சித்தால் அதற்கு விளம்பரங்களை தடை செய்வது , அதன் ஒளிபரப்பை தடை பண்ணுவதற்கு , அதற்கு எதிராக பொய் வழக்குகளைத் தொடுப்பது என அரசு பல விதங்களில் தொல்லை கொடுக்கும் , மிரட்டும் , மூச்சுத்திணறடிக்கும் . டி . வி சேனல்கள் தங்களது வருமானத்துக்கு அரசு விளம்பரத்தை நம்பியிருப்பதால் தான் அவை சோரம் போய் அரசின் கைக்கூலிகளாகும் நிலைமைக்குத் தள்ளப்படுகின்றன .

இன்று பாரதப் பிரதமர் கேட்டுக் கொண்டதைப் போல சரியாக ஒன்பது மணிக்கு தெருவிளக்குகளை அணைத்து விட்டார்கள் . தெருவில் எங்கள் வீட்டில் மட்டும் தான் விளக்கு எரிந்தது . சுற்றத்தினர் அனைவரும் கொரோனா எதிர்ப்பு முகமாக போன் ஒளியைக் காட்டுவதை , மெழுகுவர்த்தியை பால்கனியை எரிய வைத்துள்ளதைக் கண்ட போது , என் பக்கத்து வீட்டு சேட்டு ‘ நீங்க ஏன் விளக்கை அணைக்கல ?’ என கோபமாகக் கேட்ட போது எனக்கு ஒன்று தோன்றியது - இவர்கள் எலலாரும் மோடியுடன் உடன்படாமல் இருக்கலாம் , ஆனால் அவர்கள் தம் சுற்றத்தினரிடம் இருந்து தனிமைப்பட விரும்பவில்லை .

பத்திரிகையாளரும் அரசியல் விமர்சகருமான ஷேகர் குப்தா தனது கட்டுரை ஒன்றில் என்னதான் சமூக வலைதளங்களில் கலாய்க்கப்பட்டாலும் மோடி தன் ஒவ்வொரு அடியிலும் வெற்றிபெறுகிறார் என்கிறார் . அவர் எந்தளவுக்குத் திறமையான புத்திசாலித்தனமான ஒரு ‘ பேச்சாளர் ’, சமூகமாக்கல் நிபுணர் என்பதைக் குறிப்பிடுகிறார் . எப்படி ?    மற்ற தலைவர்கள் மக்களிடம் தன் கருத்துக்களைக் கூறுவார்கள் , சமூகப் பிரச்சனைகளைப் பற்றி ஆவேசமான மொழியில் உரையாடுவார்கள் . ஆனால் அப்போது மக்கள் வெறும் பார்வையாளர்களாக மட்டுமே இருப்பர் . ஆனால் மோடிக்கு மக்களின் நாடித்துடிப்பு தெரிகிறது . எவ்வளவு நெருக்கடியான சமயத்திலும் மக்களின் நற்பெயரை சம்பாதிக்கத் தெரிகிறது . அதற்கு அவர் பயன்படுத்தும் ஒரு உத்தி சமூகவலைதளங்களில் இருந்து உருவியது . என்ன உத்தி ?