ஆர். அபிலாஷின் இணையதளம்

நாளை இந்தியா நியுசிலாந்து அரை இறுதிப் போட்டி. தலைவிதியைத் தீர்மானிக்கும் நெருக்கடியான போட்டிகளில் இந்தியா “இதயம்” முரளி போல திக்கித்திக்கி நிற்குமா அல்லது எம்.ஜி.ஆர் போல சரோஜா தேவியை இடுப்பிலேயே வளைத்துப் பிடிக்குமா என்பதை நாளைப் பார்க்கலாம். எம்.ஜி.ஆர் என்றால் இறுதிப்போட்டியை அந்த வேகத்திலே போய் அடித்துவிடுவார்கள் என்பதில் எனக்கு ஐயமில்லை. ஆஸ்திரேலியா நிச்சயமாக இறுதிப்போட்டியில் இந்தியாவை ஆதரிக்கும் பெரும் மக்கள் திரளுக்கு முன் கடும் அழுத்தத்தில் ஆடும். சொதப்பும். ஆக, நாளைய போட்டி உலகக்கோப்பை 2023ஐ ஆஸ்திரேலியா வெல்வதற்கான அதிர்ஷ்டம் எந்தளவுக்கு உள்ளது என்பதைக் காட்டும். மற்றபடி உளவியல் நெருக்கடிக்கு அப்பால் நியுசிலாந்து ஒரு குழந்தைப்பாப்பா அணி என உறுதியாக நம்புகிறேன். ஹீராவோ பீராவோ, காதல் கண்றாவி, அழுகை எல்லாம் வேண்டாம், வாடா அடிப்போம் என இந்தியா இறங்கினால் நியுசிலாந்தை ஊதித் தள்ளிவிடுவார்கள். நாளை களமிறங்குவது முரளியா எம்.ஜி.ஆரா என்பதே முக்கியமான கேள்வி. நியுசிலாந்திடம் பந்துவீச்சில் விக்கெட் எடுக்க ஆளில்லை. அதுவும் நல்ல ஆடுதளத்தில் அவர்களுக்கு வேகமோ ஸ்விங்கோ சுழலோ இல்லை. முழுக்க மட...

அ) 2019 50 ஓவர் உலகக்கோப்பை ஜாலியாக இருந்தது. இந்தியா, நியுசிலாந்தின் சிறப்பான ஆட்டம், ஆஸ்திரேலியாவின் பின்னடைவு என எதிர்பாராமைகள் இருந்தன. அதுவும் அந்த இறுதிப்போட்டி ஒரு கிளாஸிக். நியுசிலாந்து கடைசியில் இங்கிலாந்துடன் மோதும், அதுவும் இரண்டு ஓவர் அடிதடியாக மாறும் என எதிர்பார்த்திருக்க மாட்டார்கள். அதிலும் ஒரு திருப்பம், ஒரு அநீதி இருந்தது, அதுவும் அந்த முடிவை கிளாஸிக் ஆக்கியது. ஆனால் 2023 உலக்கோப்பையில் பெரிய ஜாம்பவான்கள் ஆதிக்கம் செய்ய பலவீனமான அணிகளின் பின்வாங்கின. ஆஸ்திரேலியாவும் இந்தியாவும் அரை இறுதியை எட்டும் என எதிர்பார்த்தார்கள். நடந்தது. தென்னாப்பிரிக்காவின் எழுச்சியே ஆச்சரியப்படுப்பத்தியது. ஆனால் அதையும் ஒரு முற்றிலும் எதிர்பாராத அதிசயம் எனக் கூற முடியாது. மிக வலுவான அணி அவர்களுடையது. சுந்தரேசா எனக் கூப்பிட்டதும் ஓடி வந்து எண்ணெய்யைப் பார்க்காமல் வழுக்கி விழுந்துவிடுவார்கள் என்பதைத் தவிர. ஆ) பல போட்டிகள் ஒருதலைபட்சமாக இருந்தன. முதலில் மட்டையாடிய அணியை வெகு நெருக்கமாக விரட்டி சென்று போட்டியை விறுவிறுப்பாக்கியது நியுசிலாந்து மட்டுமே (ஆஸிக்கு எதிராக). மற்ற போட்டிகளில் ஒரு அணி முத...

பிரதீப் வெளியேற்றத்தின், சர்ச்சையின் திரைக்கதையை விஜய் டிவி முன்கூட்டியே எழுதி நிறைவேற்றியது என பாத்திமா பாபு பேஸ்புக் பதிவொன்றில் (வேறு மொழியில்) சொன்னது மிகக் கூர்மையான பார்வை. அந்த அத்தியாயத்தில் வெளியேற்றத்தை தவறெனக் காட்டும் விதம், கமல் வில்லனாகும் படியே காட்சிகள் தொகுக்கப்பட்டிருந்தன. இது ஒரு படமாக்கித் தொகுக்கப்பட்ட நிகழ்வு எனும் போது இதை வைத்து யாரையும் மதிப்பிடுவது அபத்தமானது. அதற்குப் பதில் எப்படியெல்லாம் மக்களைத் தூண்டி விடுகிறார்கள் என யோசிக்கலாம். ஒன்று முட்டாளாகலாம் அல்லது புத்திசாலியாகலாம். இரண்டுக்கும் நடுவே ஒன்று பிக்பாஸ் பார்வையாளர்களுக்கு இல்லை. என்னுடைய கேள்வியெல்லாம் கமலுக்குத் தெரிந்தே தான் இந்நாடகம் நடக்கிறதா என்பதே. இல்லாவிடில் அவர் அனுமதிப்பாரா? படத்தில் விக்ரமை வில்லனாக்கி விட்டு, சொத்தையாக்கி விட்டு கடைசியில் ஹீரோவாக, கெத்தாக மாற்றுவார்கள். பிக்பாஸ் வரும் வாரங்களிலும் கமல் எனும் தொகுப்பாளருக்கு அப்படி ஆகுமா? ஆம் என்பதே என் பதில்.  பிக்பாஸே திரைக்கதைப் படி மக்கள் ஒரு வீட்டுக்குள் நடப்பது எனில் அதற்கு வெளியே சமூகவலைதள வைரல் கண்டெண்டை...

"தமிழ் அறிவுச்சூழலில் கெட்ட வார்த்தைகள் எதிர்மறையாகவே பார்க்கப்படுகின்றன. ஆனால் சமகால ஆய்வுகள் கெட்ட வார்த்தைகளை மனித வாழ்க்கைக்கு அவசியமான ஒரு நேர்மறையான மொழிப்பயன்பாடாகவே கெட்ட வார்த்தைகளைப் பார்க்கின்றன. நாம் அடிப்படையில் மிருகங்கள் என்பதால் கெட்ட வார்த்தைகளை மிருகங்கள் எப்படி பயன்படுத்துகின்றன என்பதில் இருந்தே ஆரம்பிக்கலாம். விலங்குகளைப் பொறுத்தமட்டில் காயத்தினால் ஏற்படும் வலியை சீறல், உடல்மொழியினால் மிரட்டுதல், பற்களைக் காட்டுதல் என்றே அவை வெளிப்படுத்தும். இவ்வெளிப்பாடு ஒரு நேரடியான சண்டை நிகழாதிருக்க உதவுகிறது. மிக அரிதாக தவிர்க்க இயலாத சூழலிலே விலங்குகள் பரஸ்பரம் காயப்படுத்தும். அது நிகழாதிருக்க ‘கெட்ட வார்த்தைகளே’ விலங்குகளுக்கு முக்கியமான கேடயமாகின்றன. நாய்களை எடுத்துக் கொண்டால் மனிதர்கள் தம் கோபத்தை, எரிச்சலை சொல்லின் வழியாக வெளிப்படுத்துவதையே அவை ஏற்கின்றன. அதாவது நீங்கள் கையை ஓங்கினால் கூட அதை ஒரு சைகைக் குறிப்பானாகவே அவைப் பார்க்கும். உங்களிடம் வராமல் விலகிப் போகும். கையை ஓங்காது ‘கெட்டப் பையன்’ (bad boy) என்று மட்டுமே சொல்லிப் பழக்கினால் நாய் அதை உங்கள் கெட்ட வார்த்த...

பிரதீப்பை வைரல் கண்டெண்ட் ஆக்கியது எது? நீதியுணர்வு. அவர் அநீதிதாக வெளியேற்றப்பட்டார் எனத் தோன்ற வைக்கப்பட்டதால் வெர்ச்சுவல் வெகுஜனத்தின் நீதியுணர்வு தூண்டப்பட்டது. இந்த நீதியுணர்வு வெகுகாலமாக நம் இலக்கியவாதிகளின் கண்டெண்டாக இருந்து வந்து, பின்னர் சிலப்பதிகார மேடையுரை, திராவிட கழக மேடை உரை, அண்ணா, கலைஞர் என ஒரு சமூக சக்தியாக வளர்த்தெடுக்கப்பட்டது. இந்தியாவிலும் பல மாநிலங்கள் மக்கள் திரளின், சாதிய திரளின், மதவாத திரளின் நீதியுணர்வு இவ்வாறு திரட்டப்பட்டிருக்கிறது. நிர்பயாவுக்கான நீதியுணர்வு திரட்டப்பட்டதில் பாஜக ஆட்சிக்கு வந்தது. (நான் அண்ணாவையும் மோடியையும் சமப்படுத்தவில்லை.) ஆனால் நீதியுணர்வில் இருந்து ஒன்று உருவாகும் போது அது மற்றொன்றாக உள்ளது. அது அப்படியே இருக்க முடியும். நடப்புலகில் எதுவும் நீதியின் படி நடப்பதில்லை. பொருளியல், அதிகாரத் தேவைகளின் படியே நடக்கிறது உலகம். ஆனால் அத்தேவைகளின் படி மக்களைத் திரட்டினால் முதலீட்டியத்தால், அதிகார வர்க்கத்தால் நம்மை ஆள முடியாது. எதையும் அதுவாக பார்க்க அனுமதிக்காததே தேர்தல் அரசியல்.  நீதியுணர்வின் பெரிய சிக்கல் அது அரூபமானது, காண இயலாதது, அ...

மார்க்ஸின் “ மூலதனத்தின் ” சில பகுதிகளை இலக்கியக் கோட்பாட்டு பாடத்தின் பகுதியாக மாணவர்களிடம் விவாதித்துக் கொண்டிருந்தேன் . மார்க்ஸ் தத்துவத்தில் இருந்து பொருளாதாரக் கொள்கைக்கு வந்தவர் - ஒரு காலத்தில் இளம் ஹெகலியர்கள் குழுவில் தீவிரமாக இயங்கியவர் . அதனால் நமது உழைப்பு ஏன் நேரடியாக பொருளியல் வளமாக , நடப்புலகில் மதிப்பாக மாறுவதில்லை எனக் கேட்கிறார் . அந்த உழைப்பின் பலன் நடுவே சிலரால் ஆட்டையப் போடப்படுகிறது . அது யாரால் என நமக்கு நன்றாகவே தெரியும் . ஆனால் மார்க்ஸ் அத்துடன் நிற்பதில்லை - இந்த ‘ இன்மை ’ பணத்தில் , உழைப்பில் , தொழில் கட்டமைப்பில் எப்படியெல்லாம் இயங்குகிறது , அந்த ஏமாற்று உத்தி எங்கிருந்து வருகிறது என விசாரிக்கிறார் . அதுதான் “ மூலதனத்தின் ” மிக சுவாரஸ்யமான பகுதி . துவக்கத்திலேயே அவர் பணத்தில் பணத்தின் மதிப்பு இல்லை என நிறுவிவிட்ட பிறகு அது உழைப்பிலும் உழைக்கும் நேரத்திலும் கூட இருப்பதில்லை , அது சமூக உறவாடல்களால் ( ஒரு பண்டம் பல்வேறு தரப்பினரிடம் கொண்டு செல்லப்பட்டு அவர்களுடைய தேவைக்கும் பண்ட...